“Эрдэс баялаг 2025-II” хэлэлцүүлэг өнөөдөр өглөө Төрийн ордонд эхэллээ. Хэлэлцүүлгийг Уул уурхайн яамнаас геологи, уул уурхай, газрын тосны салбарын өрсөлдөх чадвар болон ил тод байдлыг өсгөх зорилгоор зохион байгуулж байгаа юм.

Энэ удаагийн хэлэлцүүлэг “Эрдэс баялаг бидний боломж” уриан дор явагдаж байна.

Хэлэлцүүлгийг нээн Уул уухайн сайд Р.Жигжид үг хэллээ. Тэрбээр эрдэс баялгийн салбарын эрх зүйн шинэчлэлийн талаар хэлэлцүүлэгт оролцогчдод мэдээлэл өглөө.

1991 онд батлагдсан Газрын тосны тухай хуулийг бүхэлд нь шинэчилсэн. Ингэснээр уламжлалт бус газрын тосны талаарх зохицуулалтыг анх удаа хуульчилжээ. Мөн өнгөрсөн онд манай улс газрын тосноос 290 тэрбум төгрөгийн орлого олсон байна. Газрын тос олборлох ААН-үүдтэй хийх гэрээг Засгийн газар баталж байхаар, газрын тосны хайгуул, олборлолт явуулах бол орон нутгийн удирдлагатай заавалгэрээ хийх зэргийг Газрын тосны тухай хуульд заасан байна.

Уул уурхайн сайд Р.Жигжид газрын ховор элементийн төсөл тус яаманд хэрэгжиж байгааг ч дуулгалаа. Цаашид газрын тосны хайгуулыг эрчимжүүлэхэд анхаарч ажиллах юм байна.