XVII жарны "Баясгалан" хэмээх усан луу жил айлчлан ирлээ.

Өнгөрөгч “Илжиг” хэмээгдэгч Төмөр Туулай жилд Монгол Улс маань төвшин амгалан, элдэв аюул осолгүй, байгаль дэлхий цаг агаар тогтуун сайхан байлаа.

Зурхайн толиноо ирж буй усан луу жил өег цатгалан, таван хошуу малын ашиг шим арвижин, өвчин зовлонгүй, ард түмний аливаа хүссэн сайн үйлс нь биелэн амгалантай байна хэмээн буужээ.

Мөн жил хийгээд сар бүрийн эхний хагаст хур сайтай. Хавар, намартаа цас, мөндөртэй. Жилийн дундуур өвс ногоо сайн ургаж, тариа, төмс сайн авна. Жилийн эцсээр өвс сайтай боловч харьцангуй салхитай жил болно гэжээ.

Байгаль цаг уур ийн буусан ч луу жилнээ Монгол түмэн биднийг олон олон шийдвэрлэх асуудал хүлээж буй. Юутай ч ард олны минь сонголт мэргэн байж, улс орныг минь буян заяа ивээж, төр улс минь төвшин амгалан орших болтугай.

Гарч буй "Баясгалан" хэмээх усан луу жилдээ хүн бүрийн юу санасан есөн сайн хүсэл нь сэтгэлчлэн бүтэж, энх тунх, элбэг хангалуун аж төрөхийн бэлэгтэй ерөөл өргөн дэвшүүлье.

Ахмад буурлуудаа хүндлэн золгож, ёс журмаа дээдлэн сахидаг сар шинийн баяраараа үгсийн сайныг хэлэлцэж,идээ будаа элбэг дэлбэг сайхан шинэлээрэй.

GoGo.mn