Ерөнхий сайд Ч.Сайханбилэг Засгийн газар хөгжлийн замаа тодорхойлох салаа замын уулзварт ирснийг дуулгаад, энэ хоёр замын алиныг сонгохыг ард түмнээсээ асууж байна.

Нэгдүгээр сарын 31-ний бямба гаригийн үдэш эхэлсэн санал асуулга өнөөдөр буюу мягмар гаригийн 22.00 цагт өндөрлөнө. Хоёрдугаар сарын 2-ны үдшийн байдлаар 200 мянга гаруй иргэн саналаа өгсөн тухай Ерөнхий сайдын Хэвлэл мэдээлэл хариуцсан зөвлөх Ц.Мөнхтөр өнөөдөр мэдээллээ.  

Үүрэн телефоны дөрвөн оператор компанийн хэрэглэгчид 15151111 дугаарын утсанд мессэж илгээж саналаа өгөх боломжтой бөгөөд мессэж илгээхэд үнэ төлбөргүй.

Санал асуулгын дүнг нэгтгэн, маргааш 11.00 цагт Засгийн газрын ээлжит бус хуралдаан зарлах юм байна. Хуралдаанаар олон нийтийн хийсэн сонголтын дагуу хөгжлийн аль замаар явахаа шийдэж, энэ чиглэлээр УИХ-ын тогтоолын төсөл гаргуулан ажиллах юм байна.

Ерөнхий сайдын ард иргэддээ тавьж буй санал асуулгыг GoGo.mn сайт мөн давхар явуулж байна. Та ЭНД дарж саналаа өгөх боломжтой.