Франц улсын нийслэл Парис хотын "Роберт Шарпантье" спортын ордонд “Гранпри” олон улсын тэмцээн гурван төрлөөр болж байгаа.

Энэ тэмцээнд Алжир, Англи, Австри, АНУ, Бельги, БНХАУ, Бразил, Иран, Канад, Киргиз, Колумб, ОХУ зэрэг 35 орны бөхчүүд барилдаж байна.

Тэмцээний эхний өдөр 48 кг-д Э.Нарангэрэл нэгдүгээр тойрогт Францын бөх Меланис Лесафрег 10:0 онооны харьцаагаар ялж хоёрдугаар тойрогт Польшийн бөх Ивона Матковскад 0:10 онооны харьцаагаар ялагдлаа.

Дагах барилдаанд Шведийн бөх Жозефина Фрикринсинийг 8:7 онооны харьцаагаар хожиж Хятадын бөх Лили Вонтой хүрэл медалийн төлөөх барилдаанд 10:0 оноогоор өвдөг шорооджээ.

55кг-ын жинд П.Орхон Унгарын бөх Жагер Симонеттаг хүрэл медалийн төлөөх барилдаанд 10:4 онооны харьцаагаар хожжээ.

Гавьяат тамирчин С.Цэрэнчимэд өчигдөр барилдах ёстой байсан ч гэмтлийн улмаас дэвжээнд гараагүй байна.