Монгол Улс энэ сарын 24-нд гурван сая дахь иргэнээ хүлээн авч, хүн нэмсний баярт мэдээгээр халгиж байна. Ерөнхийлөгч Ц.Элбэгдорж гурван сая дахь иргэдээ мялаахаар уран дархчуудад бойтогны хонх урлах захиалга өгчээ.


Мөн өдөр 181 шинэ иргэн мэндэлснээс 29 хүүхдийг гурван сая дахь иргэний чацуутан хэмээн алдаршуулах юм. Гурван сая дахь иргэн Х.Монголжинд улсаас 70 сая төгрөгийн үнэ бүхий орон сууц бэлэглэнэ.

Түүний чацуутнуудыг орон нутаг тус бүрээс тодруулсан бөгөөд Засгийн газраас орон нутгийн удирдлагуудад гурван сая дахь иргэдээ алдаршуулах, 70 хүртэлх сая төгрөгийн урамшуулал олгох эрхийг өгсөн билээ.

Х.Монголжингийн аав Э.Хатанболд, Г.Аззаяа нар өчигдөр охиноо улсын бүртгэлд бүртгүүлж, Төрсний гэрчилгээг нь авчээ.