Ромын пап арван зургадугаар Бенедикт Ромын католик шашны сүм хийдийнхний тэмдэглэдэг Дал модны ням гарагийн хурлыг удирдснаар улаан өндөгний баярын долоо хоногийн баяр ёслолыг эхлүүлэв гэж РИА новости агентлагийн сурвалжлагч мэдээллээ.
    
Тогтсон заншлын дагуу дал мод, чидун жимсний модны мөчир барьсан Понтифик, бас олон кардинал, епископууд баярын хуралд ирлээ. Ватикан дахь гэгээн Петрийн дуганы өмнөх талбайд хурал хурав.
    
Дал модны ням гарагийн баяр энэ жил залуучуудын католиг шашны өдөртэй давхцан таарав. Энэ өдрийг тохиолдуулан Ватиканд ирсэн Австралийн католик сүсэгтэй залуучуудын төлөөлөгчид 2008 онд Сиднейд болсон дэлхийн католик сүсэгтэй залуучуудын өдрийн онцлох тэмдэг болсон тусгай загалмайг Испанийн үе чацуутнууддаа хурлын дараа гардууллаа.
    
Ихэвчлэн Дал мод юм уу Бургасны ням гараг гэж нэрлэдэг Иерусалимд Бурхан очсоны баярыг Улаан өндөгний баяраас долоо хоногийн өмнө Их мацагийн зургаа дахь ням гарагт тэмдэглэдэг.
    
Иисус тарчлан үхэж, сэхэхийн өмнө Иерусалимд ирсэн тухай сударт өгүүлсэн нь энэ баярын үндэс болжээ. Ард түмэн түүнд хаан лугаа баяр хүргэж, явах замд нь дал модны мөчир хаясан байна.
    
Энэ баяр нэг талаас Христийн үйл ажиллагааг зөвшөөрсөн, нөгөө талаас хүн төрөлхтний хүү диваажинд очсоныг билэгддэг юм.
    
Нилээд хэдэн орон, түүний дотор Орос Улсад сүсэгтнүүд энэ баяраар дал модны мөчрийн оронд бургасны мөчир хэрэглэдэг юм.

П.Шагдар