"ICE TOP" хамтлагийн Э.Хатанбаатар өнгөрөгч 2013 онд “Халуун сэтгэл” хандивын тоглолт хийснээр Япон орныг зорин эмчлүүлээд ирж байсныг фэнүүд нь санаж буй биз ээ.

Энэ жилийн буюу 2014 оны цагаан сарын шинийн 2-нд “Ice Top” хамтлагийнхан “UB Palace”-ын их танхимд “Best of Ice top” нэртэй сүүлийн тоглолтоо хийсэн. Энэхүү тоглолтын үеэр тус хамтлагийн дуучин Хаагий буюу Э.Хатанбаатарыг “Соёлын тэргүүний ажилтан” цол тэмдгээр шагнаж байсан билээ.

Харамсалтай нь Б.Хатанбаатар өвчний улмаас долдугаар сарын 16-ны үүрээр таалал төгсчээ. Монголын урлагийн түүхэнд өөрийн гэсэн орон зайг бий болгон, нэгэн үеийн залуусын сэтгэл зүрхэнд хоногшин үлдсэн түүний гэр бүл, төрөл төрөгсөд, найз нөхдөд нь гүн эмгэнэл илэрхийлье.