2020 оны Ардчиллын индексээр Монгол Улс нийт 6.48 оноотойгоор дэлхийд 61 дүгээрт оржээ. 

Ардчиллын индекс нь Их Британийн Economist Intelligence Unit судалгааны төвөөс гаргадаг дэлхийн улс орнуудыг ардчиллын түвшингээр нь харуулдаг үнэлгээ юм. Уг үнэлгээг шинжээчдийн дүгнэлт болон олон нийтийн санал бодлыг үндэслэн гаргадаг байна. 

2006 оноос эхэлсэн энэхүү судалгааг дэлхийн 167 оронд хийдэг бөгөөд жилд хоёр удаа нийтэлдэг аж.

Ардчиллын индекст таван үндсэн бүлэгт хуваасан 60 үзүүлэлтийг авч үздэг байна. Үүнд Монгол Улс дараах үнэлгээг авчээ:

• Сонгуулийн үйл явц, олон ургальч үзэл 8.75  оноо
• Засгийн газрын үйл ажиллагаа 5.71 оноо
• Улс төрийн оролцоо 5.56 оноо
• Улс төрийн соёл 5.63 оноо
• Иргэний эрх чөлөө 6.76 оноо авчээ.

Уг жагсаалтыг Норвеги улс 9.81 буюу хамгийн өндөр оноотойгоор тэргүүлсэн бол Исланд 9.37, Швед 9.26, Шинэ Зеланд 9.25 оноотойгоор удаах байруудад орсон байна.