Үнэ шилжилтийн тайлан ирүүлэх хуулийн хугацаа дуусахад 5 хоног үлдлээ хэмээн Татварын албанаас мэдээллээ. Та ЭНЭ холбоосоор орж тайлан гаргах заавар хичээлтэй танилцаж тайлангаа илгээгээрэй.

Татварын ерөнхий хуулийн 38 дугаар зүйлд заасны дагуу Үнэ шилжилтийн тайланг дөрөв ангилна.

Үнэ шилжилтийн ажил гүйлгээний тайлан:

• Хэн: Татвар төлөгчийн хяналтад байгаа ажил гүйлгээ буюу харилцан хамааралтай этгээд хооронд ажил гүйлгээ хийсэн
• Хэрхэн: Татвар төлөгч нь тайлангийн маягтаар болон харилцан хамааралтай этгээдийн татвар төлөгчийн бүртгэл болон тэдгээртэй тайлант хугацаанд хийсэн ажил гүйлгээний нэгтгэл, дэлгэрэнгүй мэдээллийг өссөн дүнгээр, хүснэгтэн хэлбэрээр гаргана.
• Хэзээ: Үнэ шилжилтийн ажил гүйлгээний жилийн тайланг жилийн эцсийн татварын тайлангийн хамт татварын албанд тушаана.