Эгэлгүй тансаг сувдан эрдэнэсээрээ Дэлхийн үнэт эдлэлийн зах зээлд тэргүүлдэг Schoeffel брэнд Ханбүргэдэй их дэлгүүрийн 2-р давхарт өөрийн салбараа нээсэн юм. Сувдны худалдаа эрхэлдэг байсан Герман улсын иргэн Вилгелм Шоффил 1921 онд Германы Штутгард хотод байгуулснаар Schoeffel брэндийн түүх эхэлжээ. Одоо компанийг 4 дэх үе нь өвлөн авч удирдан явуулж байгаа бөгөөд Schoeffel нь эдүгээ Австрали, Орос, Ойрхи дорнод, Зүүн Европ, Азийн орнуудад өөрийн салбар дэлгүүрүүдтэй, дээд зэрэглэлийн чамин тансаг сувдан эрдэнэсээрээ дэлхий дахинд хүлээн зөвшөөрөгдсөн компани болтлоо өргөжин дэвшсэн юм. Schoeffel брэнд Монголд салбараа нээсэнтэй холбогдуулан тус брэндийн Олон улсын худалдааны менежер ноён Жосеф Ким Монголд ирж Ханбүргэдэй их дэлгүүрийн худалдааны зөвлөх болон хэрэглэгч нарт компанийн түүх болон бүтээгдэхүүнийхээ талаар 2 өдрийн сургалт явуулж, зөвлөгөө өгсөн юм. Энэ үеэр түүнтэй цөөн хором ярилцлаа.

Монголд салбараа нээх санаа анх хэзээ төрөв?

Эрт дээр үеэс Монгол хатад, бүсгүйчүүд сувдны гайхамшигт мөн чанарыг танин мэдэж, түүнийг хэрэглэсээр ирснийг мэднэ. Би өмнө нь 2008 онд Монголд ирж байхдаа Монголын Богд Хааны музейг үзээд Монголчууд бол эдийн дээдийг хэрэглэдэг хэрэглээний өндөр соёлтой ард түмэн юм гэдгийг ойлгож, Schoeffel-н салбарыг Монголд нээх санаа төрсөн. Энэ хугацаанд Монголын зах зээлийг судалж, бизнесийн хамтрагчаараа Улаанбаатар хотын тансаг дэлгүүрүүдийн нэг Ханбүргэдэй их дэлгүүрийг сонгон салбараа нээж байна.

Би Schoeffel-н сувдан эдлэлийг дэлхийн хамгийн дээд зэрэглэлийн сувдны цуглуулгаар  хийдэг гэж сонссон. Энэ тухай тодруулан ярьж өгнө үү?

Ямар нэгэн өнгөлгөө, засваргүй, байгалиараа байгаа төгс гоо үзэсгэлэн,  ид шидийн гэмээр гэрэлтэх туяа,  өөгүй толигор гадаргуу, хэмжээ болон дахин үл давтагдах өнгөний хөг аялгуу нийлсэн нийлэмж цогц нь сувдны чанарын дээд шалгуур юм. Энэ бүх шинжийг Schoeffel-н сувдан эрдэнэс бүрэн агуулдаг. Schoeffel брэнд нь Япон улсын Акояа сувд, Хятад улсын цэнгэг усны сувд, Австралийн Өмнөд далайн цагаан сувд, Филиппин улсын Өмнөд далайн шаргал сувд, Тайти арлын Тайти сувд зэрэг дэлхийн бүх төрлийн сувднаас хамгийн гоёмсог, дээд зэргийн чанартайг сонгон авч  өвөрмөц загвараар тансаг сувдан гоёлоо хийдгээрээ онцлог. Шар болон цагаан алт, алмаз зэрэг үнэт эрдэнэсээр чимэглэдэг нь Schoeffel-г улам бүр үнэ цэнэтэй давтагдашгүй болгодог. Ийм ч учраас Schoeffel-н сувд бол бүсгүй хүний гоо үзэсгэлэнгийн төгс илэрхийлэл болдог.

Schoeffel-н сувдны цуглуулгууд миний мэдэх төсөөлөлөөс өөр юм.  Цуглуулга бүр харилцан адилгүй, өвөрмөц давдагдашгүй санагдлаа...?

Хамгийн чамин, хосгүй үзэсгэлэнтэй сувдан эрдэнэсүүд маань үндсэн 4C коллекцид багтдаг.
Couture коллекц – Энэхүү коллекц нь дэлхийн нэн ховор бөгөөд хамгийн үзэсгэлэнт сувдыг ашиглан, туйлын тансаг мэдрэмжийг дархны нарийн ур хийцтэй хослуулан бүтээсэн дахин үл давтагдах үнэт эдлэл.  
Classic коллекц – Сонгодог, эмэгтэйлэг, нандин хийгээд сэтгэл догдлуулам тансаг сувд. Ямарч цаг үед зүүхэд тохиромжтой , сэтгэл булаасан загварлаг шилдэг бүтээл.
Collier коллекц -Сувд нь хүзүүний зүүлтэнд хамгийн тохиромжтой байдаг. Өмнөд тэнгисийн гайхамшигт алтлаг болон мөнгөлөг сувд, өвөрмөц дүр төрхтэй нарийн бөгөөд чамин хийцтэй Тайтигийн хар сувд зэрэг хамгийн нарийн өнгөний хослол бүхий сонирхол татахуйц, олон төрлийн өөр өөр сувднаас бүтдэг.
Creative коллекц –Өвөрмөц шийдэл бүхий загварлаг бөгөөд сэтгэл татам шинэлэг, тансаг оргилуун сэтгэлийн илэрхийлэл болсон үнэт эдлэл нь охид бүсгүйчүүдэд илүү тохиромжтой

Тансаг сувдан эрдэнэсээрээ дэлхийд гайхагдсан брэндийн сувдан эдлэлээр Монгол бүсгүйчүүд гоёх болсонд би хувьдаа баяртай байна. Монгол бүсгүйчүүдэд хандан юу гэж хэлмээр байна?

Сувд бол бүсгүй хүний гоо сайхан, сэтгэлийг илэрхийлсэн, амьд организмаас үүсдэг цорын ганц үнэт чулуу юм. Сувд өөрөө эзнээ сонгодог гэдэг. Бүсгүй таныг энэхүү харьцуулашгүй тансаг, нандин бүхнийг өөртөө агуулсан үнэт эдлэлийг сонгоосой хэмээн чин сэтгэлээсээ хүсэж байна. Өөрийгөө итгэл дүүрэн, дур булаам гэдгийг хүлээн зөвшөөр. Schoeffel-н сувд танд өөрийгөө эмэгтэй хүн гэдгээ мэдэрч, гоо үзэсгэлэнгээрээ гайхуулах боломжийг олгоно гэдэгт итгэлтэй байна.