Эрүүл мэндийн даатгалын үндэсний зөвлөлийн 2022 оны 01 дүгээр тогтоолоор зүрхний ишеми буюу зүрхний цусан хангамж багасах өвчний эмийн эмчилгээг 550 мянга, мэс заслын тусламж үйлчилгээнд хэрэглэх багаж, мэс заслын хүндрэлээс хамаарч 1.2-12.5 сая төгрөгийг хариуцахаар шийдвэрлэсэн бөгөөд уг өртгийг Эрүүл мэндийн даатгалын сангаас 100 хувь санхүүжүүлдэг. 

2022 оны эхний арван сарын байдлаар энэхүү өвчний 40 мянган тохиолдол бүртгэгдэж, ЭМД-ын сангаас 9.8 тэрбум төгрөгийн санхүүжилт олгосон байна.