Ариг банк нь 2022 оны 12-р сарын 31-ний өдрөөрх Аудитлагдсан санхүүгийн тайлангаа танилцуулж байна.

2022 онд Ариг банкны нийт актив 260.5 тэрбум төгрөгт хүрч өмнөх оны үзүүлэлтээс 153 хувиар өссөн ба үүнд харилцагчдын харилцах, хадгаламж 80 хувь, түргэн борлогдох актив 148 хувь, зээлийн багц 470 хувь өсөж, нийт актив 157.7 тэрбум төгрөгөөр нэмэгдсэнээр 7.6 тэрбум төгрөгийн ашигтай ажиллаж, өөрийн хөрөнгийн өгөөж 5.8 хувьд хүрлээ.

Дотоодын 100 хувийн хөрөнгө оруулалттай Ариг банк нь банк санхүүгийн салбарт дижитал шилжилт хийх зорилгын хүрээнд 2022 онд иргэд харилцагчдын хэрэгцээ, шаардлагад тулгуурлан технологид суурилсан олон төрлийн шинэ бүтээгдэхүүн үйлчилгээг нэвтрүүллээ.

Үүнтэй холбоотойгоор Arig Online цахим банкны аппликэйшнийг цоо шинээр хөгжүүлж 2022.12.31 байдлаар хэрэглэгчдийн тоо 22.6%-иар өслөө.

Мөн түүнчлэн банкны үндсэн системдээ NES программыг амжилттай нэвтрүүлж харилцагчдын мэдээлийн аюулгүй байдал, банк санхүүгийн үйлчилгээг найдвартай, түргэн шуурхай үзүүлэхэд онцгой анхаарч ажиллалаа.

Ариг банкны хувьд 2022 онд менежментийн шинэчлэлт хийж, компанийн засаглалаа сайжруулж, бүтэц зохион байгуулалтыг өөрчлөн, жижиг, дунд үйлдвэрлэл, үйлчилгээг дэмжин улс орныхоо эдийн засагт өөрсдийн хувь нэмрээ өсгөхөөр зорин ажиллаж байна.

Ариг банкны 2022 оны Аудитлагдсан Санхүүгийн Тайлангийн дэлгэрэнгүйтэй ЭНД дарж танилцана уу.