Парис хот гэхээр Эйфелийн цамхаг, Луврын музей (Louvre), өндөр цагаан хаалга (arc de triomphe) төсөөлөгддөг байх. Тэгвэл Youtuber Б.Түшиг жуулчдын ихээр очоод байдаггүй ч үзэсгэлэнтэй газруудыг танд санал болгож байна. Парис хотоор аялахдаа ороод нэг үзээрэй.

      1. Musée d'Orsay

Францдаа их алдартай музей. Гэхдээ ирж байгаа жуулчид тэр бүр очоод байдаггүй юм шиг санагдсан. Парис хотыг Эйфелийн цамхаг, том цагаан хаалга, Louvre-ын музейгээр яваад энэ музейг орхигдуулчихдаг. Миний бодлоор зургийн урлагийг бие сэтгэлээрээ анх удаа шимтэж мэдэрсэн гэвэл энэ музейг нэрлэнэ. Та бүгдийг Парист ирвэл заавал ороорой гэж зөвлөе.1898 онд баригдаж байсан энэ музейд хуучны алдартай маш их уран зураг, төрөл зүйлээрээ бий. Та уран зураг сонирхдоггүй байсан ч ороод үнэхээр алмайрах болно.

“Хэрэв та аялахаар зэхэж байгаа бол Юнителийн roaming үйлчилгээг ашиглаарай. Үйлчилгээг дэлхийн хаанаас ч идэвхжүүлэх боломжтой бөгөөд 1475 дугаарт дуудлага, мессэж ашиглах бол “call”, дата идэвхжүүлэх бол “1.5” эсвэл “3” гэсэн кодыг илгээгээрэй. Дэлгэрэнгүйг ЭНД дарж авна.

      2. Shakespeare and company

Ном уншдаг, номд хоббитой хүмүүс байвал энэ номын дэлгүүрээр заавал нэг ороод гараарай. Байршил нь их гоё. Парисын төвд Нотрдамын музейн (Notre-Dame de Paris) яг хажууханд байгаа. Дэлхийн хамгийн удаан ажиллаж байгаа номын дэлгүүрүүдийн нэг. Алдарт зохиолч Шекспирийн нэрээр нэрлэгдсэн. Гэхдээ Францад байгаа гээд зөвхөн франц ном зардаггүй, ихэвчлэн англи хэл дээрх номууд зардаг нь их давгүй. Олон зуун жил яг хэвээрээ хадгалагдаж байгаа номын шүүгээнээс номоо уншиж, хуучны модон ширээн дээр сууж номоо сонгоорой. Ном авбал хийж өгдөг уут нь хүртэл их гоё, цаанаа л нэг чамин.

      3. Chateau de Versaille

Алдарт Версалийн ордон. Хүмүүс ихэнх нь мэдэх байх, гэхдээ л орхигдуулаад үзэхгүй өнгөрчихдөг юм шиг санагдаад байдаг юм. Ийшээ орж Францын түүхэн хаадууд ямар чамин зүйл хэрэглэж, тансаглаж байсныг орж харж болно. Ганц ордон бус гаднах цэцэрлэг нь хамгийн элит, дээд зэргийн цэцэрлэг гэдгээрээ алдартай. Маш том, гоё цэцэрлэг байдаг юм. Нэг зүйл сануулахад Парисаас бага зэрэг зайтай. Тиймээс очих замаараа өөр үзвэр үзэх, ядаж хоол идэх зэргээ төлөвлөөрэй.

      4. Bateaux Mouche

Алдарт Парис хотыг Сена (Sein) мөрөнгүйгээр төсөөлөхгүй байхын аргагүй. Мөрөн дээгүүр усан онгоцтой яваад Парисын чухал үзэсгэлэнтэй газруудаар дайрч өнгөрөх боломж бий. Bateux Mouche гэж интернэтээр хайгаад тасалбар захиалчхаж болдог, үнэ төлбөр нь ч боломжийн. 20 орчим минутын аялал болчихдог. Бүгдийг нь алхаж харснаас тав тухтай усан онгоц дээр суугаад харвал таны эрч хүчийг тань ч хэмнэх байх.

      5. Хоол, хоол, бас дахин хоол

Парис хотын хоолыг юутай ч зүйрлэшгүй. Ийм тийм ресторан гэж хэлэх их хэцүү. Энэ хотод бүхий л орны, соёлын төрөл бүрийн хоолны сонголт бий. Гэхдээ нэг зөвлөгөө өгөхөд Google maps ашиглаад “review” сайн уншаад хаашаа орохоо сонгоорой. Гаднаа сүрхий гоё харагддаг ч амтгүй ресторан байдаг бол гаднаасаа олигтой биш ч маш алдартай, амттай хоолтой газрууд маш ихтэй. Тэгэхээр хүмүүсийн сэтгэгдлийг сайн уншаарай. Би л лав олон төрлийн өөр өөр ресторан орж туршиж үзэх их дуртай. Парист та аялахаар ирвэл хүссэн хүсээгүй хоолны амтанд нь татагдана гэдгийг амлая.