#НүүдэлШийдэл нэвтрүүлгийн шинэ дугаарт "Хуурамч мэдээллийн" тухай хөндлөө. Мэдээллийн технологийн хөгжлийг дагаад хуурамч мэдээлэл гэдэг хувь хүний эрх ашгаас эхлээд улс орны хэмжээнд нөлөөлөхүйц хүчтэй болжээ. Олон нийт үнэн, худал нь мэдэгдэхгүй мэдээллээс болж төөрөлдөх, бусдын талаар буруу ойлгох улмаар өөрсдөө хохирогч болох эрсдэл хүртэл бий.

Глоб интернешнл төвийн тэргүүн Х.НАРАНЖАРГАЛ

• Хуурамч мэдээллийг түгээж байгаа нь хувь хүний ёс зүйтэй холбоотой
• Ардчилал гэдэг өөрөө соёл юм шүү дээ
• Өөрийнхөө хувийн нууцыг хамгаалах, бусдын нууцад халдахгүй байх ёстой гэдгийг хүүхдэд сургах хэрэгтэй

ЦЕГ-ын хэвлэл мэдээллийн төвийн ахлах мэргэжилтэн, цагдаагийн хошууч Ё.ЛХАГВАСҮРЭН

• Нийгмийн сүлжээ гэдэг иргэдийн үгээ хэлэх, үзэл бодлоо илэрхийлэх чөлөөт индэр
• Энэ чөлөөт индэрт цагдаагийн байгууллага хяналт тавьж, цензур тогтоодоггүй
• Харин хуульд заасан зүйлсийг зөрчсөн тохиолдолд шалгаж, тогтоох нь цагдаагийн байгууллагын үүрэг
• Хандалт их учраас гүтгэсэн чанартай мэдээллийг түлхүү гаргах хандлагатай байна
• Худлаа мэдээлэл гаргаад байгаа хэвлэл мэдээллийн хэрэгслийг үзэхгүй байхад л хангалттай

ХХЗХ-ны Мэдээлэл харилцаа холбооны технологийн хөгжил зохицуулалтын хэлтсийн дарга А.ЛУВСАН-ОЧИР

• Мэдээллийг тодорхой эх сурвалжаас, тодорхой цагт авдаг байсан нөхцөл байдал өөрчлөгдсөн
• Цахим орчинд мэдээллийг дүрс, зураг, бичвэр хэлбэрээр 2,6 сая хэрэглэгч шууд хүлээн авч байна
• ХХЗХ-оос хууль зөрчсөн 590 орчим цахим хуудсыг хаасан байна

Хуульч, судлаач Л.ГАЛБААТАР

• Америкт хуурамч мэдээллийн эсрэг төрийн оролцооноос илүүтэй, технологийн зохицуулалт хийж байна
• Технологи хуурамч мэдээллийг таньж эхэлсэн, харин үнэн мэдээллийг ялгаж чадахгүй байна
• Хуурамч мэдээлэлтэй тэмцэх нэг түгээмэл арга нь тухайн мэдээллийг тоохгүй орхих юм
• Аливаа мэдээлэлд сэтгэлийн хөдөлгөөнөөр хандахгүй байх ёстой
• Эх сурвалжыг нягталж сурах хэрэгтэй

Trends.mn сайтын ерөнхий редактор Б.БОЛОР-ЭРДЭНЭ

• Хуурамч мэдээлэл их болохоор үнэн мэдээллийг хүлээж авахаа больчихдог
• Хуурамч мэдээллээс зугтах бус хуурамч мэдээллийн үндсийг нь устгах хэрэгтэй

Сэтгэл засалч Д.ЭРДЭНЭБААТАР

• Мэдээлэл гэдэг асар хүчтэй зэвсэг
• Нийгмийн сэтгэлзүйн чиглэлийг өөрчлөх чадалтай зэвсэг
• Хуурамч мэдээлэлд зөвхөн хүүхдүүд гэлтгүй, насанд хүрэгчид хүртэл итгэж байна
• Мэдээллийн үнэн, худлыг ялгах аргыг хүнд багаас нь зааж сургах хэрэгтэй