Хоёр их хүн нэг суудалд багтдаггүй гэдэг ч хэн хэн нь булган сүүлтэй байсан эрхэм гишүүн Батбаяр, дуучин Баясгалан нар тоонот гэрт толгой холбож, тостой шөлөнд хошуу холбох болсон. Цуутай найр, хайр сэтгэлийнх нь баталгаа болох хүүхдийн тухай яриа гарч байсан ч тэр нь цаг хугацаагаар шалгагдсан. Гэсэн ч тэд хамтын амьдрал зохиосноо их л бахархан ярьж тэр бүү хэл cap шинийн үеэр ижил хоёр шувуу шиг хувцас сэлтээ хүртэл хослуулан байж дуулан, хийсэн клипээ олны хүртээл болгон суваг болгоноор цацсан. Нэгэн үе яруу найрагч Мөнхбат нарын хуруу даран тоолж болом залуустай нэр холбогдон төд удалгүй саллаа хэмээгдэж байсан дуучин бүсгүйг "Цуутай хүүхэн хуримгүй" гэж гоочлох хүн олон байсан ч ийнхүү сүмоч гишүүнтэй хамт амьдрах болсонд нь баяртай байсан билээ.

Харамсалтай нь дуучин бүсгүйн тэнэг гэмээр үйлдлүүд түүний рейтенгийг унагах болоод байна. Төрийн ордонд гишүүний туслахаар гар цүнхээ бариулан намбагүйтсэн түүнийг нүдтэй, амтай болгон шүүмжлэн хатуу үг унагаж байсан нь нууц биш. Хэдхэн хоногийн өмнө гавьяатын тэмдгээр энгэрээ мялаасан шинэхэн гавьяатыг "Манайх" гэж өмчлөх гэсэн үү эсвэл үйл хөдлөл төдийгүй үг яриагаараа таалалд нь нийцэхгүй байгаад ундууцсан уу Увс аймаг даяар нэгэн яриа тархаж, чих дэлсэх болов. Одоогоос зургаан жилийн өмнө буюу аварга Сүхбаттай холбогдсон гэх дуулиан тархдаг жил дуучин Баясгалан экс хадамдаа үсдүүлэхээ шахан золтой л дайн дэгдчихээгүй гэнэ лээ. Увс нутгийн Отгоо гэх залуутай сэтгэл нийлэн нэг гэрт орохоо хэлэлцэн тохирч, хадаг сүй тавьж явсан үе дуучин бүсгүйд байсан гэдэг.

Баруун аймгийнхан нарийн ёс, жаягтай гэдгийг хүн бүхэн мэднэ. Бэр нь хэмээгдэж явсан дуучин бүсгүй нутагт нь ирсэнд хөөрсөн хөгшин сүү, цагаан идээ барин дуучны буусан буудалд ирсэн ч тэрээр үл тоомсорлосноос энэ хэрэг үүдсэн гэдэг. Аймагтаа Дарамын Баярын буудал хэмээгддэг /УГЖ Чимэдцэеэгийн дуулдаг "Алтан хөхийн оргил" дууны зохиогч/ буудалд тухлаж байсан бүсгүй дээр экс хадмууд нь орж ирэн хатуу үг хайр найргүй чулуудан, үсдэхээ шахсан аж.

Дэгсдүүлсэн хүнд хөршийнхөө нохойг хүртэл таньдаг хөдөө газар энэ яриа амархан тархаж хэсэгтээ л гол сэдэв нь болсон сурагтай. Ёс жаягаа дээдэлдэг тэдэнд Баясгалангийн ихэмсэг гэхээсээ илүүтэй бүдүүлэг зан таалагдалгүй уурыг нь барсан нь мэдээж. Өдгөө ч шинэхэн гавьяатын "Надад өрсөлдөгч үгүй. Рок попынхон намайг хөдөөнийх гэдэг" зэрэг бодлогогүй үгнүүд зохиолын дууны болон рок попынхны дунд хангалттай ярианы сэдэв болоод байгаа билээ. Цол дагаж бяр гэдэг шиг энгэрээ цоолон гавьяат болсон хойно одоо нэг томоожих байлгүй хэмээн дуулсан дуу бүрийг нь сонсох дуртай фэнүүд нь үнэн сэтгэлээсээ хүсэж байгаа бололтой юм билээ.