Парис 2024 зуны олимпын эмэгтэй чөлөөт бөхийн -53 кг жингийн барилдаанууд өнөөдөр эхэллээ. Тус жинд Монголын шигшээ багийн тамирчин 2022 оны Ази, дэлхийн аваргын мөнгөн медальт 24 настай Батхуягийн Хулан зодоглов.

Тэрээр эхний шатанд 2023, 2024 оны Африк тивийн аварга Нигерийн 22 настай Кристиана Тулулоп Огунсаняатай барилдаж 3-1 харьцаагаар цэвэр яллаа.

Барилдааны явц:

• Кристиана дайрч гаргаж 1 оноо авав. 1-0
• Хулан түлхэж гаргаж 1 оноо авав. 1-1
• Хулан унагаж 2 оноо аваад үргэлжлүүлэн даралтаар цэвэр яллаа.

Ингэснээр Б.Хулан шөвгийн наймд 2021, 2023 оны дэлхийн аварга, 2022 оны Азийн наадмын аварга Японы 20 настай Акари Фүжинамитай барилдахаар болов.

Б.Хулан шөвгийн наймд 2021, 2023 оны дэлхийн аварга, 2022 оны Азийн наадмын аварга Японы 20 настай Акари Фүжинамитай барилдаж 8-2 харьцаагаар ялагдлаа.

Барилдааны явц:

• Акари ард нь гарч 2 оноо авав. 2-0
• Б.Хулан этэж 2 оноо авлаа. 2-2
• Акари дахин ард нь гарч 2 оноо авлаа. 4-2
• Дараалан 2 оноо авч 8-2 болов

Ингэснээр Акари хагас шигшээд Токиогийн олимпын мөнгөн медальт, дэлхийн аваргын хошой хүрэл медальт Хятадын 27 настай Чианюү Пан болон энэ оны Европын аварга, 2018 оны залуучуудын олимпын аварга Шведийн 23 настай Эмма Жонна Малмгрен нарын ялсантай өнөө шөнө барилдана.

Хэрэв Акари финалд шалгарвал Б.Хулан маргааш 17:00 цагаас дагаж барилдана.

Японы Фүжинами финалд шалгарснаар Б.Хулан дагаж барилдахаар боллоо. Тэрээр 17:00 цагаас дагах барилдаанд 2022 оны дэлхийн аварга АНУ-ын 27 настай Доминик Оливиа Парриштай барилдана.

Хэрэв ялбал шөнө нь хүрэл медалийн төлөө Токиогийн олимпын мөнгөн медальт, дэлхийн аваргын хошой хүрэл медальт, Азийн хошой аварга Хятадын 27 настай Чианюү Пантай барилдах юм.