"Нэр бүхий хэвлэл мэдээллийн хэрэгсэл болон сошиал хуудсуудаар “УИХ-ын гишүүн, АН-ын бүлгийн дарга О.Цогтгэрэл нь 2025 оны 01 сарын 11-ний өдөр болох гэх жагсаалд ТЭСО групп, Айсмарк ХХК-ийн ажилчдыг цалинтай оролцуулахаар төлөвлөж байна” хэмээн ор үндэслэлгүй, худал агуулга бүхий гүтгэлэг мэдээлэл түгээж байна.

ТЭСО группийн хамт олонд хүнд уй гашуу учирсан энэ цаг үед группийн нэр төрд улс төрийн зорилготой халдаж, харлуулж хүнлэг ёсны бус үйлдэл гаргаж байгаад маш их харамсаж байна.

ТЭСО групп нь уг мэдээлэлд дурдсан шиг ажилтнуудаа ямар нэг жагсаал цуглаанд оролцохыг уриалаагүй, зохион байгуулаагүй болохыг албан ёсоор мэдэгдэж байна.

Олон нийтийг бодит эх үүсвэргүй, худал мэдээллээр төөрөгдүүлж, бизнесийн байгууллагын нэр төрд халдсан мэдээлэлд автахгүй байхыг та бүхнээс хүсье" хэмээн ТЭСО групп мэдэгдлээ.