УИХ-ын чуулганы хуралдаанаар Монгол Улсын Засгийн газар, Бүгд Найрамдах Хятад Ард Улсын Засгийн газар хооронд Гашуунсухайт-Ганцмод боомтын хил дамнасан төмөр замын бүтээн байгуулалтын асуудлыг хэлэлцэж байна.

Үүнтэй холбоотойгоор УИХ-ын гишүүн Ж.Баярмаа асуулт асуулаа. Тэрбээр, Ойрын өдрүүдэд жинхэнэ нийгэм, эдийн засгийн үр ашигтай төслүүдийг ярьж байгаад баяртай байна. Алдагдсан боломжийг ярихгүй өнгөрөөх хэрэгтэй гэж байна. Бид ярих ёстой. 

БНХАУ-ын тал 13.9 тэрбум юанийн алдагдалд хүрсэн гэж байна.

Төгрөгөөр бол 6.6 их наяд. Хэрэв Монголын тал 2015-2023 оны хооронд уг төмөр замаар нүүрс экспортолсон бол 232 сая тонн буюу 63.8 их наяд төгрөг олох байсан. Энэ нь 1 мвт-ыг 1.5 сая гэж тооцвол 12.3 мянган мвт-ын дулааны цахилгаан станц барих мөнгөн дүн. Энэ бол алдагдсан боломж. 

Ганцмод боомт бол хөгжиж байгаа боомт юм билээ. Тэгвэл төслийн үр дүнд Гашуунсухайт боомт хэр хөгжих вэ? Тус боомтод хэр их тээврийн жолооч байгаа, төслийн дараа хэд нь ажилгүй, орлогогүй болох вэ? Үүнийг тооцоолсон судалгаа байна уу? гэсэн юм. 

Хариуд нь Б.Дэлгэрсайхан сайд, Ж.Баярмаа гишүүнтэй санал нэг байна. Бид урд хөршийн л алдагдсан боломжийг ярьдгаас өөрсдийнхийг ярьдаггүй. Гэхдээ бид дотооддоо хэрүүлээ хийх ёстой. 

Ганцмод боомт хөгжиж буй нь үнэн. Гашуунсухайт боомт бол хөгжинө. Боомтуудаа сумын статустай тосгон болгож хөгжүүлнэ. Одоогоор тэнд 10-15 мянга хүн амьдарч байна. Ойролцоогоор 20 мянга машин бүртгэлтэй. Бодит байдал дээр бол 7800 машин явж байна.

3500 жолооч ажиллаж байна. 2 машины хооронд нэг жолооч ажилладаг юм билээ. Цаашид жолоочийн тоог нэмнэ. Төмөр зам холбогдлоо ч машинаар нүүрс гаргах тоог бууруулахгүй. Ажлын байр алдагдахгүй. Амьдрах орчин нөхцөлийг бүрдүүлэх, төрийн үйлчилгээг нэвтрүүлэхийг зорьж байна. 2025.06.01-ээс хууль хэрэгжиж эхлэхтэй зэрэгцэн бүтээн байгуулалтын ажлыг хамт хийнэ гэлээ.

ШУУД ҮЗЭХ: