Өнөөдөр валют арилжааны цэгүүд ам.долларыг 2620 төгрөгөөр худалдаж байна. Сонгуулийн дараа долларын үнэ долоо хоногийн дотор огцом өссөн бол өчигдөр нэг өдөрт л гэнэт савлан, 2600-г давав.

Үнэндээ ханш 2013 оноос хойш тогтмол өсөж байна. Гэхдээ дөрвөн удаа түр хугацаагаар буурчээ.

• Хөгжлийн банк 2013 онд 30 тэрбум иенийн Самурай бонд гаргахад,
• Хөгжлийн банк 2014 онд синдикат зээл авахад,
• Засгийн газар нэг тэрбум иенийн Дим сан бонд болон ХХБ 2015 онд 500 сая ам.долларын зээл авахад,
• Засгийн газар 750 сая ам.долларын бондын зээл авахад тус тус ханш буурсан байх юм.    

Графикаас харахад зээлийн нөлөөгөөр долларын ханш буурсан ч удаан үргэлжлээгүй байна. Энэ нь гадны зээл тусламж эдийн засгийг эмчилдэггүй, харин өвчин намдаадгийг илэрхийлнэ.