Хиймэл дагуулаас авсан зургийн дагуу Хойд Солонгос байлдааны хоёр шинэ хөлөг онгоцтой болжээ. Энэ нь тус улсад сүүлийн 25 жилд бүтээсэн цэргийн хамгийн том төхөөрөмж болж байна гэж 38 North сайт дамжууллаа.

Хойд Солонгосын шинэ байлдааны хөлөг онгоцны зурагнууд 2013 оны арванхоёрдугаар сараас энэ оны нэгдүгээр сарын хооронд хиймэл дагуулын дуранд өртжээ.

Мэргэжилтнүүдийн мэдээлж буйгаар байлдааны шинэ хөлөг нь цэргийн тоног төхөөрөмжүүд болон нисдэг тэрэг багтах талбайтай гэнэ.

Түүнчлэн эдгээр хөлөг онгоцнууд шаардлагатай үед Өмнөд Солонгосын шумбагч онгоцнуудад цохилт үзүүлэх пуужин болон тусгай хамгаалалтын системээр тоноглогдсон байна.

Шинэ хөлөг онгоц далайд үйл ажиллагаа явуулахад дасан зохицох үйл явцад хэдэн жил шаардагдана гэж мэргэжилтнүүд мэдээлэв.

Хойд Солонгосын эдийн засаг, аж үйлдвэр сүүлийн арван жилийн турш зогсонги байдалд байгаа. Олон улсын хамтын нийгэмлэгээс тус улсын эсрэг эдийн засгийн хориг арга авсан юм. Гэвч тэнгисийн цэргийн тоног төхөөрөмжийн үйлдвэрлэлээ хадгалан үлдэж чадсан гэж АНУ-ын шилдэг зэвсэг шинжээч Жозеф Бермудес хэлжээ.

Түүний үзэж буйгаар энэ нь бусад орны удирдагчид Пхеньяний цэргийн чадавхийн эсрэг үр дүнтэй арга хэмжээ авах хэрэгтэй гэнэ.

Ямартай ч БНАСАУ-ын шинэ хөлөг онгоцнууд хэмжээ, технологийн хувьд бусад аль ч улсын цэргийн хөлөг онгоцыг хол давна гэж шинжээчид үзэж байна.