Цэргийн баяраар уран бүтээлч эмэгтэйчүүд маань эрчүүдээ хэрхэн баярлуулах гэж байгааг нь сонирхлоо.

Б.Наран хэнийг ч баярлуулахгүй

Дуучин Б.Наран энэ өдрийг уйтгартай өнгөрөөх гэнэ. Учир нь тэрбээр цэргийн баярыг зөвхөн дүрэмт хувцас өмссөн марш алхаатай цэргүүдийн баяр гэж үздэг байна.

Түүний эргэн тойронд одоогоор цэрэг хүн байхгүй учраае тэрбээр хэн нэгэнд бэлэг өгөхгүй, наргиж цэнгэхгүй гуравдугаар сарын 18-ныг үдэх нь. Б.Наран сүүлийн үед уран бүтээлийнхээ ажлыг түр хойш тавиад байгаа аж.

Хувийн ажлаа амжуулсан шиг ээ, амьдарч байгаа гэнэ. Харин н тавдугаар сараас уран бүтээлдээ шамдах сурагтай.

Ж.Алтанцэцэг бас л...

Дуучин, "Орон зай" студийн захирал Ж.Алтанцэцэг шинэ цомгийнхоо баярыг хийх гээд завгүй яваа гэнэ. Мөн л энэ өдөр хэнийг ч баярлуулахгүй. "Нөхөр чинь гомдохгүй байгаа" гэж асуухад "Үгүй дээ. Сурчихсан юм аа. Төрсөн өдрөөр нь л баярлуулдаг " хэмээв.

Тэрбээр мөн л цэрэг эрсийн баярыг энхийн цагт ч гэсэн эх орноо хамгаалдаг буу үүрч, сүлдтэй малгай өмссөн эрчүүдийн баяр гэж ойлгодог гэсэн. Дашрамд сонирхуулахад, Тэрбээр цэрэг эрсдээ баярын мэндчилгээ дэвшүүлснийг хүргэе. Маргааш дуучин Ж.Алтанцэцэг хэн нэгэнд бэлэг өгөхгүй өнгөрөөнө.

Х.Өлзийхүү арай өөр

"Өнгөт инээд" продакшны захирал жүжигчин Х.Өлзийхүү нөхөртөө гэнэтийн бэлэг барихаар бэлдэж байгаа гэнэ. Тэрбээр ойрын өдрүүдэд тоглолттой завгүй байгаа ч гэсэн нөхөртөө цаг гаргахаар шийджээ.

Найруулагч Ц.Хүсэлбаатарын хувьд жүжгийн зохиол бичиж байгаа гэсэн. Тиймээс Х.Өлзийхүү оюуны алжаалыг нь тайлах бэлэг барих гэнэ.  

Т.Батсайхан http://www.niigmiintoli.mn/