Өнгөрсөн зургаадугаар сард Солонгосын нэртэй жүжигчин, дуучид нэвтрүүлгийн зураг авахаар манай улсад ирсэн нь олны анхаарлыг татсан билээ. “Сэргэлэн охин Ян Сун” киноны гол дүрээр Монголчуудад хэдийн танил болсон Жан Хёг, Ча Тэ Хён, Хун Гён Ин, Кан Хүн болон дуучин Ким Жун Гүг, Хун Гён Мин нар Монголд аялангаа “Couriers in Mongolia” нэвтрүүлгийн зургийг авсан юм.

Монголын тал нутгаар 2000 километр аялан шуудан зөөж буйг харуулсан шоу нэвтрүүлэг наймдугаар сарын 18-наас тус улсын JTBC телевизээр цацагдаж эхэлнэ.

Манай улсад ирэх жуулчдын тоог тэр дундаа БНСУ-аас ирэх жуулчдыг нэмэхэд үнэтэй хувь нэмэр оруулсан гэгдэж буй уг нэвтрүүлгийг эхний дугаар гарснаас нь ердөө хоёр хоногийн дараа VOO-с албан ёсны эрхтэйгээр хүлээн авч үзэх боломжтой боллоо.

Монголыг тал нутаг, морь малаар л төсөөлж байсан тэдэнд юу илүү шинэ соргог байж, ямар адал явдалтай учирсан талаарх сонирхолтой нэвтрүүлгийг энэ сарын 20-ноос эхлэн 10 долоо хоногийн турш VOO-ээр дамжуулан хүссэн газраасаа үзэх боломжтой болсныг дуулгахад таатай байна.

Нэвтрүүлгийн багийнхан зургаадугаар сард Монголд ирж, Хөвсгөл, Баян-Өлгий болон говийн нутгуудаар 2000 километр аялж, Монголын үзэсгэлэнт байгальтай танилцсан бөгөөд тухайн үеийн мэдрэмж, сонин содон зүйлсийг өөрсдийн нийгмийн сүлжээгээр дамжуулан хүргэж байсан билээ.

“Couriers in Mongolia” нь Солонгосын бусад нэвтрүүлгүүдтэй харьцуулахад гадаад улсад зураг авалт хийснээрээ онцлог болж байгаа юм.

“Couriers in Mongolia”-г VOO-ээс