Улсын драмын эрдмийн театрын 90 жилийн ойн баяр, мөн энэ сарын 26-нд тохиох Улс тунхагласны баярыг тохиолдуулан урлаг соёлын эрхмүүдэд шагнал гардуулах ёслол маргааш болно.

Тодруулбал, Улсын драмын эрдмийн театрын 18 уран бүтээлч шагнуулах ба тэр дундаа Ардын жүжигчин П.Цэрэндагва, Н.Сувд нар Хөдөлмөрийн баатар, Гавьяат жүжигчин Б.Жаргалсайхан Ардын жүжигчин, СТА жүжигчин Г.Амгаланбаатар Гавьяат жүжигчин цол тэмдгээр шагнуулна.