Дэлхийн түүхэд тавдугаар сарын 11-д болсон онцлох гурван үйл явдлыг танилцуулъя.

1189 оны тавдугаар сарын 11. Загалмайтны гуравдугаар аян дайн эхлэв

Францын хоёрдугаар Филип, Английн арслан зоригт нэгдүгээр Ричард хаан, Ромын эзэн хаан нэгдүгээр Фредерик нар 1189 оны тавдугаар сарын 11-д Загалмайтны гуравдугаар аян дайныг эхлүүлжээ.

Аюубидын хаан Саладин Иерусалим хотыг эзлэн авсны дараа гурван хаад Христийн шашин үүссэн хэмээх "Ариун газар"-ыг эргүүлж авахаар зорьсон нь энэ аж.

1192 оныг дуустал үргэлжилсэн дайны үеэр Акко, Жаффа хотуудыг эргүүлэн авсан ч гол зорилго болох Иерусалимыг авч чадаагүй.

1995 оны тавдугаар сарын 11. Цөмийн зэвсгийг хориглох гэрээг сунгав

1968 оны долоодугаар сард анх баталсан Цөмийн зэвсгийг дэлгэрүүлэхгүй байх гэрээг 1995 оны тавдугаар сарын 11-д сунгажээ.

Цөмийн зэвсгийг хэт дэлгэрүүлэхгүй байж, цөмийн энергийг энхийн зорилгоор ашиглах тухай заасан олон улсын хэлэлцээрт 191 орон нэгдсэн орсон.

Гэрээг таван жил тутам хянан хэлэлцдэг байхаар 25 жилийн хугацаатай баталж байсан бол 1995 онд тодорхойгүй хугацаагаар сунгасан байна.

2000 оны тавдугаар сарын 11. Энэтхэг улсын хүн ам тэрбумд хүрэв

Бүгд Найрамдах Энэтхэг Улсын хүн ам 2000 оны тавдугаар сарын 11-д тэрбумд хүрсэн бөгөөд тэрбум дахь хүүхэд охин байв.

Тус улсын нийслэл Дели хотын Сафдаржанг эмнэлэгт төрсөн Астха Арора хэмээх охиныг Энэтхэгийн тэрбум дахь иргэн хэмээн Засгийн газраас нь зарласан.

Энэтхэгийн хүн ам хурдацтай нэмэгдэж байгаа бөгөөд дахин 20 жил өнгөрөхөд 400 саяар нэмэгдсэн байна.