Улсын филармонийн гоцлол дуучин Н.Наранбаатар "Алтан гадас" одон хүртлээ. Тэрбээр Наагий хэмээх уран бүтээлийн нэрээрээ олонд танигдсан ба поп, жазз урсгалаар дуулдаг бөгөөд "Миний Захидал" цомгоо 2016 онд гаргаж байсан юм.

Тэрбээр “Цаашдаа маш их зүйлийг хийж бүтээх урам зориг, маш том хариуцлагыг мэдэрлээ. Бас ташуур өглөө гэж бодож байна. Монголын урлаг мөнхөд мандан бадарч, дэлхийд гайхагдах болтугай.

Мөн чанар, сэтгэл шингэсэн уран бүтээлүүдийг гаргаж, залуусаа дэмжиж ажиллана. Үхэн үхтлээ Монголын урлагт үнэнчээр зүтгэхээ илэрхийлмээр байна” хэмээн баярын сэтгэгдлээ хуваалцлаа.

Тулгар төр байгуулагдсаны 2231, Их Монгол Улсын 816, Үндэсний эрх чөлөө, тусгаар тогтнолоо сэргээн мандуулсны 111, ардын хувьсгалын 101 жилийн ойн баярыг тохиолдуулан Монгол Улсын урлаг соёл, спорт, нийгмийн зүтгэлтнүүдэд гавьяа шагнал гардуулж байна.

Шагнал авсан уран бүтээлчийн сэтгэгдлийг сонирхсоныг хүлээн авна уу.