Гэрэл зураг сонирхогчдын урам зоригийг бадрааж, урлан бүтээх онгодыг хөглөдөг Canon Mongolia цуврал уралдаан энэ намрын ээлжит уралдаануудаа өөрийн фейсбүүк хуудсаар зарласаар байна.

8 дугаар сарын 17-оос эхлэн 30-ыг дуустал зарласан “Цэцэг, навч” сэдэвт уралдаанд гэрэл зураг сонирхогчид тун идэвхтэй оролцож, нийт 800 гаруй зураг ирсэн нь өмнөх зарлагдаж байсан уралдаанууд дундаа хамгийн өндөр нь байлаа. Аагим халуун өдрүүдийг чимж, аз жаргал цацруулсан цэцэгсээр www.facebook.com/CanonMGL дүүрч, шилдгийг шалгаруулах хүндхэн үүрэг шүүгчдэд оногджээ.

Мэргэжлийнхний саналыг тусгаж, шударга шүүлт явуулахын тулд энэ удаагийн уралдааны шүүгчдийн бүрэлдэхүүнд МУИС, Биологийн тэнхим, Ургамал судлалын хөтөлбөр, Ботаникийн нийгэмлэг, Flora of Mongolia-ийн ургамал судлаачид, Монголын Гэрэл Зурагчдын Нэгдсэн Холбооны гишүүн зурагчид хамтран ажилласан бөгөөд шилдэг 100 зургийг шалгаруулсан байна.

Canon Mongolia цуврал уралдаан “Солонго” сэдвээр үргэлжилж байгаа бөгөөд сонирхогч хүн бүхэнд нээлттэй, www.facebook.com/CanonMGL хуудсаар өөрийн бүтээлийг илгээж уралдаанд оролцож болно. Бүтээлийг 9 дүгээр сарын 20 хүртэл хүлээн авах юм байна. 

Ингээд эрхэм таны нүдийг баясгаж, сэтгэлийг тань сэргээхээр “Цэцэг, навч” уралдааны шилдэг зургуудаас толилуулж байна.