Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
"Самар шиг гүйлгээтэй" гэдэг үг хоосонгүй ажээ. Оройхон гараад ширүүхэн дайрна гэдэг чухам юу болохыг самрын бизнес харуулав.
Дээр нь энэ бүтээгдэхүүний үнэнч худалдан авагчид хотоор дүүрэн самрын хог шигээ олон байдаг бололтой. Уг нь Байгаль орчин, аялал жуулчлалын яамныхан "Богд ууланд хортон шавьж устгах хор цацсан шүү" гэж улиг болтол ярьсан.
Сүхбаатар дүүргийн, тэр дундаа Сүхбаатарын талбайг цэвэрлэдэг ТҮК-ийн ажилчин "Самрын хог ёстой аймаар байна" гэж хэлээд ярвайж байна билээ.
"Шар хантаазтан"-уудын хэлж буйгаар тэдний бүтэн cap хэрэглэдэг дэрсэн шүүр нь долоо хоног ч тэсэхгүй байна гэнэ шүү. ТҮК-ийн тэрхүү ажилтан өөрийнх нь шүүр элэгдэж дуусаад шүүр хуваарилахгүй байхаар нь агуулахаас өөр хүнийхийг "туучихсан" гэнэ билээ. Нийгэмд эхнээсээ ийм балаг тарьж байгаа самрыг одоо яана аа.
"Самар цөмөх нь ажилгүй, хийх юмаа олж ядсан хүний хөдөлмөр" гэж хаа нэгтээгээс сонсож билээ. Нээрэн бодоод байх нь ээ, хөдөлмөрийн багаж зэвсэг барих мутруудыг маань энэ самар гээч зүйл үнэндээ үгүй хийгээд байх шиг.
Саяхнаас албан газрууд самар цөмөх тэмцээн зохиодог болсон гэнэ. Бас болоогүй ялсанд нь хоёр килограмм самар өгдөг ч гэлүү. Ер нь нийслэлд хийх ажил багадаад байгаа юм байна л даа. Магадгүй энэ янзаараа удвал самарнаас болж, хөдөлмөрийн чадвараа алдах хүн бишгүй гарна. Ерөөсөө бид ажиллахгүй, самар цөмөөд байгаа болохоор л гадныхан манай хамаг ажлын байрыг шилж авцгаагаад байгаа юм байна.
Бүр Тавантолгой, Хөгжлийн банктай холбоотой мундаг том албан тушаалууд энэ муу самарнаас болж, хэн нэгэн Жоя, Мин овогт мэтийн "будааны хүүхдүүд"-ийн гарт ороод байгаа бололтой. "Муу амлаж байна" гэж битгий бодоорой. Энэ янзаараа дахиад хэдэн cap үргэлжилбэл "Самарнаас болж..." гэх шалтгаанаар орон тооны цомхотгол шил дараалан хийх байх шүү.
Монголчууд ажилгүй, хөдөлмөрийн чадвараа алдсан гээд групп тогтоолгоод байвал төр яаж тэр олон хүнийг халамжлах вэ дээ. Татвараас, байгалийн баялгаас олсон хамаг орлогоо халамжид зориулах биз. Ингэхээр өнөөх төсвийн алдагдал гэх ойлгомжгүй, макро зүйл нь гаарч мань мэтийг баллах вий. Эцэст нь бүгд хар толгойгоо шааж "Самарнаас л ганц боллоо" гэнэ дээ. Харж л байгаарай.
Т.Есөн-Эрдэнэ
"Самар шиг гүйлгээтэй" гэдэг үг хоосонгүй ажээ. Оройхон гараад ширүүхэн дайрна гэдэг чухам юу болохыг самрын бизнес харуулав.
Дээр нь энэ бүтээгдэхүүний үнэнч худалдан авагчид хотоор дүүрэн самрын хог шигээ олон байдаг бололтой. Уг нь Байгаль орчин, аялал жуулчлалын яамныхан "Богд ууланд хортон шавьж устгах хор цацсан шүү" гэж улиг болтол ярьсан.
Сүхбаатар дүүргийн, тэр дундаа Сүхбаатарын талбайг цэвэрлэдэг ТҮК-ийн ажилчин "Самрын хог ёстой аймаар байна" гэж хэлээд ярвайж байна билээ.
"Шар хантаазтан"-уудын хэлж буйгаар тэдний бүтэн cap хэрэглэдэг дэрсэн шүүр нь долоо хоног ч тэсэхгүй байна гэнэ шүү. ТҮК-ийн тэрхүү ажилтан өөрийнх нь шүүр элэгдэж дуусаад шүүр хуваарилахгүй байхаар нь агуулахаас өөр хүнийхийг "туучихсан" гэнэ билээ. Нийгэмд эхнээсээ ийм балаг тарьж байгаа самрыг одоо яана аа.
"Самар цөмөх нь ажилгүй, хийх юмаа олж ядсан хүний хөдөлмөр" гэж хаа нэгтээгээс сонсож билээ. Нээрэн бодоод байх нь ээ, хөдөлмөрийн багаж зэвсэг барих мутруудыг маань энэ самар гээч зүйл үнэндээ үгүй хийгээд байх шиг.
Саяхнаас албан газрууд самар цөмөх тэмцээн зохиодог болсон гэнэ. Бас болоогүй ялсанд нь хоёр килограмм самар өгдөг ч гэлүү. Ер нь нийслэлд хийх ажил багадаад байгаа юм байна л даа. Магадгүй энэ янзаараа удвал самарнаас болж, хөдөлмөрийн чадвараа алдах хүн бишгүй гарна. Ерөөсөө бид ажиллахгүй, самар цөмөөд байгаа болохоор л гадныхан манай хамаг ажлын байрыг шилж авцгаагаад байгаа юм байна.
Бүр Тавантолгой, Хөгжлийн банктай холбоотой мундаг том албан тушаалууд энэ муу самарнаас болж, хэн нэгэн Жоя, Мин овогт мэтийн "будааны хүүхдүүд"-ийн гарт ороод байгаа бололтой. "Муу амлаж байна" гэж битгий бодоорой. Энэ янзаараа дахиад хэдэн cap үргэлжилбэл "Самарнаас болж..." гэх шалтгаанаар орон тооны цомхотгол шил дараалан хийх байх шүү.
Монголчууд ажилгүй, хөдөлмөрийн чадвараа алдсан гээд групп тогтоолгоод байвал төр яаж тэр олон хүнийг халамжлах вэ дээ. Татвараас, байгалийн баялгаас олсон хамаг орлогоо халамжид зориулах биз. Ингэхээр өнөөх төсвийн алдагдал гэх ойлгомжгүй, макро зүйл нь гаарч мань мэтийг баллах вий. Эцэст нь бүгд хар толгойгоо шааж "Самарнаас л ганц боллоо" гэнэ дээ. Харж л байгаарай.
Т.Есөн-Эрдэнэ