Куба шинэ удирдагчтай боллоо. Фидель Кастро албан ажлаа өгөх болсонтой холбог­дуу­лан уржигдар Кубын Үн­дэс­ний Ассамблейн хурал­даа­наар төрийнхөө шинэ тэр­гүү­­нийг сонгож өдгөө 76 нас­тай Рауль Кастро ахынхаа халааг авлаа. Тэрбээр мөн Төрийн Зөвлөлийн тэргүүн, Зэвсэгт хүчний ерөнхий ко­манд­лагчийн албыг давхар хаших юм. Мөн өдөр Кубын Үндэсний Ассамблей Төрийн Зөвлөлийн шинэ гишүүдийг сонгосон байна.

Фидель Кастро 2006 оны долдугаар сард мэс засалд орохдоо дүүдээ ажлаа өгсөн билээ. Түүнээс хойш өчигд­рийг хүртэл Рауль Кастро улс орноо удирдаж байсан. Ажиг­лаг­чид ч түүнийг ахынхаа халааг авна хэмээн бичиж байсан билээ. Зарим нэгэн улс төр судлаач залуухан улстөрч халааг нь авна гэсэн таамаглалыг дэвшүүлсэн юм. Харин Рауль Кастро ахынхаа халааг авсан тохиолдолд улс орныхоо эдийн засгийг ши­нэч­лэх ажлыг эхлүүлнэ хэ­мээн мэдэгдсэн билээ. Зарим хэвлэлд бичсэнээр тэрбээр эрх мэдлийн төлөөх тэм­ц­лийг хурцатгалгүй засгийн эрхийг тайвнаар шилжүүлэ­хийн тулд чадах бүхнээ хийсэн гэнэ.