Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
БНТУ-д 14 настай хүү есөн хүн аавынхаа бууг ашиглан, сурагчдыг хөнөөсөн хэрэг гарсан. Хэрэг энэ сарын 15-нд тус улсын Кахраманмараш хотын дунд сургуульд болжээ.
Хүү таван буу, долоо дайз авч яван, есөн хүн хөнөөгөөд дараа нь өөрийгөө буудсан. Эмх замбараагүй байдлын улмаас уу эсвэл урьдаас төлөвлөсний дагуу өөрийгөө егүүтгэсэн үү гэдэг нь тодорхойгүй байна.
Хүүгийн аавыг баривчлан, мэдүүлэг авчээ. Тэрээр, сүүлийн үед наймдугаар ангийн сурагч хүү нь буу сонирхох болсон тул хамт явж, буудах дасгал хийсэн гэсэн байна. Хүүгийн аав долоон буу, ангийн хоёр буутай гэж мэдүүлжээ. Буунуудаа цоожтой авдарт хадгалдаг ч хүү нь яаж нээснийг мэдэхгүй гэжээ. Тэрээр ахлах мөрдөн байцаагчаар ажилладаг.
Хүүгийн гар утсанд 2014 онд Америкт сургууль дээрээ хүн буудсан Эллиот Рожерийн зураг хадгалаастай байсан байна. Хүү байнга интернет ашигладаг, өөрийн VPN-тэй, англиар сайн ярьдаг, их ухаалаг хүүхэд байсан, өсвөр насныханд тохиолддог шалгалтын бухимдалтай байсан. Иймд ажлынхаа сэтгэл зүйч рүү хоёр удаа дагуулж очсон гэж аав нь ярьжээ.
Сэтгэл зүйч, таны хүү нийгэмд дасан зохицож чадахгүй байгаа тул түүнд сайн анхаарахыг зөвлөсөн байна. Мөн хүүд сэтгэл заслын эмчилгээ хийх шаардлага гарч болзошгүйг анхааруулжээ.
Хүүгийн сэтгэл санаа тогтворгүй, хурдан өөрчлөгддөг. Шалгалтад муу оноо авбал ууртай болдог байжээ. Гэхдээ бусад сурагч, багш нарынхаа эсрэг ямар нэг зүйл хэлдэггүй, найз нөхөдгүй хүүхэд байсан аж. Хэдийгээр наймдугаар ангийн сурагч боловч цар тахал, газар хөдлөлтийн улмаас гурван жил л сургуульд сурчээ.
Зэвсэгт халдлагын улмаас найман сурагч, нэг багш амиа алдсан. Энэ хэргийн дараа сургуулийг хоёр хоног хаасан байна.
БНТУ-ын Дотоод хэргийн яам, Боловсролын яамны удирдлагууд хамтарсан хурал хийж, сургуулийн орчинд аюулгүй байдлын хяналтыг сайжруулах шийдвэр гаргажээ.
Тус улсын хоёр өөр хотын дунд сургуульд зэвсэгт халдлага гарсны дараа эрх баригчид нийгмийн сүлжээг хатуу хянаж байна. Ташаа мэдээлэл тараасан, жагсаалд уриалсан хэмээн 127 хүнийг саатуулжээ. Мөн олон нийтийн сүлжээнээс 1115 хаягийг устгасан байна.
Эх сурвалж: BBC
БНТУ-д 14 настай хүү есөн хүн аавынхаа бууг ашиглан, сурагчдыг хөнөөсөн хэрэг гарсан. Хэрэг энэ сарын 15-нд тус улсын Кахраманмараш хотын дунд сургуульд болжээ.
Хүү таван буу, долоо дайз авч яван, есөн хүн хөнөөгөөд дараа нь өөрийгөө буудсан. Эмх замбараагүй байдлын улмаас уу эсвэл урьдаас төлөвлөсний дагуу өөрийгөө егүүтгэсэн үү гэдэг нь тодорхойгүй байна.
Хүүгийн аавыг баривчлан, мэдүүлэг авчээ. Тэрээр, сүүлийн үед наймдугаар ангийн сурагч хүү нь буу сонирхох болсон тул хамт явж, буудах дасгал хийсэн гэсэн байна. Хүүгийн аав долоон буу, ангийн хоёр буутай гэж мэдүүлжээ. Буунуудаа цоожтой авдарт хадгалдаг ч хүү нь яаж нээснийг мэдэхгүй гэжээ. Тэрээр ахлах мөрдөн байцаагчаар ажилладаг.
Хүүгийн гар утсанд 2014 онд Америкт сургууль дээрээ хүн буудсан Эллиот Рожерийн зураг хадгалаастай байсан байна. Хүү байнга интернет ашигладаг, өөрийн VPN-тэй, англиар сайн ярьдаг, их ухаалаг хүүхэд байсан, өсвөр насныханд тохиолддог шалгалтын бухимдалтай байсан. Иймд ажлынхаа сэтгэл зүйч рүү хоёр удаа дагуулж очсон гэж аав нь ярьжээ.
Сэтгэл зүйч, таны хүү нийгэмд дасан зохицож чадахгүй байгаа тул түүнд сайн анхаарахыг зөвлөсөн байна. Мөн хүүд сэтгэл заслын эмчилгээ хийх шаардлага гарч болзошгүйг анхааруулжээ.
Хүүгийн сэтгэл санаа тогтворгүй, хурдан өөрчлөгддөг. Шалгалтад муу оноо авбал ууртай болдог байжээ. Гэхдээ бусад сурагч, багш нарынхаа эсрэг ямар нэг зүйл хэлдэггүй, найз нөхөдгүй хүүхэд байсан аж. Хэдийгээр наймдугаар ангийн сурагч боловч цар тахал, газар хөдлөлтийн улмаас гурван жил л сургуульд сурчээ.
Зэвсэгт халдлагын улмаас найман сурагч, нэг багш амиа алдсан. Энэ хэргийн дараа сургуулийг хоёр хоног хаасан байна.
БНТУ-ын Дотоод хэргийн яам, Боловсролын яамны удирдлагууд хамтарсан хурал хийж, сургуулийн орчинд аюулгүй байдлын хяналтыг сайжруулах шийдвэр гаргажээ.
Тус улсын хоёр өөр хотын дунд сургуульд зэвсэгт халдлага гарсны дараа эрх баригчид нийгмийн сүлжээг хатуу хянаж байна. Ташаа мэдээлэл тараасан, жагсаалд уриалсан хэмээн 127 хүнийг саатуулжээ. Мөн олон нийтийн сүлжээнээс 1115 хаягийг устгасан байна.
Эх сурвалж: BBC