Орчин үеийн технологийн дэвшлийг ашиглан, авто зогсоолын шийдлийг боловсруулж Улаанбаатарын замын түгжрэлийг бууруулах, авто зогсоол ашиглалтыг сайжруулах, хүрэлцээг нэмэгдүүлэх, иргэдийн тав тухтай амьдрах орчныг бүрдүүлэх зорилготой “UB Smart Parking” THINKATHON тэмцээн болов.

Нийслэлийн Шинжлэх ухаан, үйлдвэрлэл, инновацын газар, “JCI” Олон улсын байгууллагатай хамтран “Улаанбаатар инновацын төв”-д амжилттай зохион байгуулжээ. 

Нийслэлийн Замын хөдөлгөөн төлөвлөлт, зохицуулалт, инженерчлэлийн газар, Авто замын хөгжлийн газар, Хот байгуулалт, хөгжлийн газар, Мэдээлэл, технологийн газар, Замын хөдөлгөөний удирдлагын төв НӨҮГ, “UB parking” амар зогсоол төслөөс холбогдох хүмүүс ментороор оролцож, хамтран ажиллалаа.

Тус тэмцээнд бүтээлч, шинийг санаачлагч, манлайлагч оюутан залуучууд болон IT чиглэлээр үйл ажиллагаа явуулдаг хувийн байгууллагуудын 7 баг оролцжээ. Богино хугацаанд оюун ухаанаа уралдуулан идэвхитэй оролцсоноос нэгдүгээр байранд “БУРАГАС” багийн “A SMART CAR PARKING SOLUTION” төсөл, хоёрдугаар байранд “UB TEAM” багийн “ON STREET PARKING” төсөл шалгарсан юм.

Эх сурвалж: Нийслэлийн шинжлэх ухаан, үйлдвэрлэл, инновацын газар