Европын хамгийн нэр хүндтэй хөлбөмбөгийн тэмцээн “Аваргуудын лиг”-ийн дэлдэн чихт мөнгөлөг цомыг өргөхийн төлөө Италид 33 дахь удаагаа түрүүлсэн Ювентүс, Испанийн оргилд 33 удаа гарсан Реал Мадрид клубууд 6-р сарын 3-ны өдөр эр бяраа шалгах гэж байна.

Өмнө нь 1998 оны шигшээд хоорондоо тааран тоглож байсан Европын хоёр том багийн тулааныг бид 19 жилийн дараа дахин давтан харах нь. Реал Мадрид сүүлийн 3 жил Аваргуудын лигээс мулталсан Атлетико Мадридыг дахин хойноо үлдээн гарч ирсэн бол Ювентүс энэ улиралд оруулсан гоолоороо дэлхийг өнгөлж буй Монаког хожин шалгарсан.

Ювентүс 9 дэхь удаагаа шалгараад байгаа нь энэ бөгөөд тэд өмнө нь 1985, 1996 онуудад түрүүлж, 1973, 1983, 1997, 1998, 2003, 2015 онуудад цомоос атгаад алдсан юм. Харин Реал Мадрид тэмцээний дээд амжилт болох 15 удаа шигшээд шалгарч 1962, 1964, 1981 онуудаас бусдад нь буюу нийтдээ 11 удаа түрүүлсэн билээ. Энэ жил Ювентүс Италийн цом, лигт түрүүлсэн учраас Аваргуудын лигт түрүүлбэл нэг улиралд 3 цом хүртсэн 2 дахь Италийн баг болно. Харин Реал Мадрид энэ улирал 5 жил хүлээсэн лигийн түрүүг хүртсэн бөгөөд энэ баяраа Аваргуудын лигээр үргэлжлүүлэхийг хүсч байна.

Энэ улиралд Миллэниум цэнгэлдэх хүрээлэнд аварга баг тодрох бөгөөд Уэльсд байрлах энэ цэнгэлдэх дээвэр нь нээгдэж, хаагддаг дэлхий дээрхи хамгийн олон хүний суудалтай цэнгэлдэх хүрээлэн юм. Нийт 74,500 хүний суудалтай энэ цэнгэлдэх анх шав тавьснаас хойш 20 жилийн дараа ийнхүү дэлхий нийтийн нүдийг өөр дээрээ чиглүүлж байна.  

Цомыг өргөсөн баг ирэх намар Европын супер цомын төлөө Европа лигийн аварга багтай тоглох болно. Энэхүү гайхалтай тоглолтыг Тав тухтай орчинд амьд хөгжим хүйтэн шар айрагтай “Hard rock café” дээр хамтдаа үзэцгээе.

Хөтөлбөрт Compass, Vatame, ReCon гэсэн хамтлагууд ая дуугаа өргөх болно. Ямар нэгэн хураамж байхгүй.

Хаяг: 13-р хороолол дунд зам "Натур төвийн хажууд" Hard rock café Ulaanbaatar-д

Дэлгэрэнгүй мэдээллийг: Аваргуудын лигийн шигшээ тоглолт гэсэн event –с аваарай.