Хэдхэн хоногийн дараа үндэсний их баяр наадам, ардын хувьсгалын түүхт 91 жилийн ойн баяр болж монгол түмэн маань зон олноороо эрийн гурван наадмаа хийж баясан цэнгэх цаг мөч ойртсоор байгаа билээ.

Ардын хувьсгал ялснаас хойш 90 жил ийн наадам болоход 43 бөх түрүүлсэн юм. Үүний 67 түрүүг ардын хувьсгалын ойн баяр наадмаас аварга цол хүртсэн 20 бөх авсан нь нийт түрүүгийн 74.4 хувьтай тэнцэж байгаа бөгөөд түрүүлсэн бөхийн тоотой харьцуулахад 46.5 хувь болж байна.

Хамгийн олон удаа түрүүлсэн бөхөөр:
дархан аварга Б.Бат-Эрдэнэ (Хэнтий, Өмнөдэлгэр) 11,
дархан аварга Х.Баянмөнх (Увс, Хяргас) 10,
дархан аварга Б.Түвдэндорж (Булган, Сэлэнгэбүрэн) долоо,
дархан аварга Ж.Мөнхбат (Төв, Эрдэнэсант) зургаа,
дархан аварга Д.Дамдин (Хөвсгөл, Цагаан-Үүр) таван түрүүгээр магнайлж байгаа бол хамгийн олон удаа индэрч гарч төрийн тэргүүнээс шагнал хүртсэн бөхөөр:
дархан аварга X.Баянмөнх-13 (10 түрүү, гурван үзүүр),
дархан аварга Б. Бат-Эрдэнэ-12  (11 түрүү, нэг үзүүр),
дархан аварга Ж.Мөнхбат-10 (зургаан түрүү, дөрвөн үзүүр),
дархан аварга Д.Дамдин-10 (таван түрүү, таван үзүүр),
дархан аварга Б.Түвдэндорж-9 (долоон түрүү, хоёр үзүүр),
дархан аварга Д.Цэрэнтогтох-9 (дөрвөн түрүү, таван үзүүр) удаа авсан байна.

Аваргууд 67 түрүү авсан ба 41 удаа үзүүрлэсэн нь нийлээд 108 удаа болж байгаа юм. Үлдсэн 23 түрүүг 23 арслан хүртсэн бөгөөд эдгээр бөхчүүд мөн 11 удаа үзүүрлэжээ.

Дээрх аварга, арслангууд (43 бөх) 90 түрүү, 52 үзүүрийг авсан бол үлдсэн 38 үзүүрийг 26 бөх хүртсэн байх юм. Наадамд түрүүлсэн бөхчүүд их шөвөгт 78 удаа үлдэж байсан бол үзүүрлэсэн бөхчүүд нь 29 удаа үлдэж байсан байна. Дархан аварга Х.Баянмөнх хамгийн олон удаа буюу найм, дархан аварга Ж.Мөнхбат долоо, улсын арслан Г.Цоодол зургаан удаа үлдээд дараагийн даваандаа унасан байна.

А.Пүрэвжав