Монгол Улсын Засгийн газрын Хэрэг эрхлэх газар, Зөвшөөрлийн зөвлөлөөс барилгын салбарын тусгай зөвшөөрлийг цахимаар олгох шийдвэр гаргаж, 2025 оны зургадугаар сарын 10-наас эхлэн license.mn нэгдсэн системийг ашиглалтад оруулахаар болжээ.

Шинэ системийн талаар Хот байгуулалт, барилга, орон сууцны яамны ТНБД-ын үүрэг гүйцэтгэгч С.Төмөрхүү, Барилгын материалын хэлтсийн дарга Д.Батзориг, Монголын Барилгын Үндэсний Ассоциацийн ерөнхийлөгч Н.Баярсайхан, БҮАТЗХ-ны дарга Э.Мөнгөнхундага нар танилцуулсан байна.

Цахим системд шилжсэнээр дараах давуу талууд бий болж байна:

• Тусгай зөвшөөрлийг цахимаар авах боломж бүрдэж, байгууллагууд эрх бүхий байгууллагад биечлэн очих шаардлагагүй боллоо.
• QR код бүхий нууцлалтай цахим гэрчилгээ олгогдож, бичиг баримт гээх, алдагдуулах эрсдэл буурна.
• Инженер, техникийн ажилтан бүр өөрийн бүртгэлийг харах, хасалт хийлгэх, шилжилт хөдөлгөөнөө удирдах боломжтой болно.
• Хүсэлт, шийдвэрийн явцыг иргэн өөрөө хянах боломжтой.
• Цахим систем 24/7 ажиллагаатай тул хүссэн цагтаа үйлчилгээ авах боломжтой.
• Төрийн байгууллагын хувьд мэдээллийн төвлөрөл сайжирч, хяналт шинжилгээ хийх, авилга, хүнд суртал бууруулах, эрсдэлтэй байгууллагад анхаарал хандуулах нөхцөл бүрдэнэ.

Шинэ журам хэрэгжсэнээр барилгын зураг төсөл боловсруулах, барилга угсралт, өргөх байгууламжийн үйлдвэрлэл, засвар зэрэг үйл ажиллагаанд шаардагдах тусгай зөвшөөрлүүдийг license.mn системээр дамжуулан олгоно.

Эх сурвалж: Монголын Барилгын Үндэсний Ассоциаци ТББ