Ерөнхий сайд Л.Оюун-Эрдэнийн хүү Тэмүүлэн найз бүсгүйдээ өндөр үнэтэй эд, зүйлс бэлэглэсэнтэй холбоотойгоор түүнийг болон аавыг нь орлогоо нотлохыг шаардан иргэд шүүмжилж буй. Зарим иргэн тэдний хөрөнгө, орлогыг шалгуулахаар Авлигатай тэмцэх газарт гомдол гаргасан. 

Гомдлын дагуу Авлигатай тэмцэх газраас Ерөнхий сайд Л.Оюун-Эрдэнэ, түүний хүү О.Тэмүүлэн болон иргэн Ч.Өгөөдэйбаатар, Н.Ариунаа нарын хөрөнгө, орлогыг шалгаж эхэлсэн байна. Улмаар О.Тэмүүлэнгээс мэдүүлэг авахаар түүнд мэдэгдэл хүргүүлжээ.

О.Тэмүүлэн нь гадаад улсад амьдарч байгаа бөгөөд ирэх долоо хоногт Монгол Улсад ирж тайлбар мэдүүлэг өгөхөө мэдэгдсэн байна.

Ташрамд дурдахад, О.Тэмүүлэн нь Ерөнхий сайд Л.Оюун-Эрдэнийн хүү. Харин Ч.Өгөөдэйбаатар, Н.Ариунаа нар нь О.Тэмүүлэнгийн найз бүсгүйн аав, ээж юм.