АНУ-ын ерөнхийлөгч Дональд Трамп даваа гарагт Цагаан ордонд сэтгүүлчдийн асуултад хариулах үеэрээ дайнд олон сая хүний амь үрэгдсэнд гурван хүн буруутай гэжээ.

Тэрбээр “Гурван хүнээс болж олон сая хүн амиа алдсан. Нэгдүгээрт Путин. Хоёрт өөрийнхөө юу хийж байгаагаа ч мэдэхгүй байсан Байден, тэгээд Зеленський” гэсэн байна.

Гэхдээ 2022 онд дайн эхэлснээс хойш олон “сая” биш хэдэн “зуун мянган” хүн амиа алдсан эсвэл шархадсан гэх тооцоолол байгааг ВВС агентлаг онцлов.

Ням гарагт ОХУ Украины Сумы хот руу пуужин харвасны улмаас 35 хүн амиа алдаж, 117 хүн шархадсан.

Уг довтолгоо энэ онд Оросын талаас Украинд хийсэн хамгийн их хохиролтой дайралт болсон юм.

Гэсэн ч Трамп Путиныг буруутгахын хажуугаар Зеленськийг мөн зэмлээд амжив. “Өөрөөсөө 20 дахин том өрсөлдөгчтэй дайн өдөөчхөөд надад пуужин өгөөч гэж горьдож болохгүй” гэжээ.

Трамп хоёрдугаар сард Цагаан ордонд хийсэн уулзалтын үеэр Зеленськийг “Гуравдугаар дайныг өдөөх эрсдэлтэй зүйл хийж байна” хэмээн буруутгаж байв.

Эх сурвалж: ВВС