Галд өртсөн “Шинэ Мөрөн” худалдааны төвд оёдлын үйл ажиллагаа эрхэлж байсан 19 түрээслэгчид шулуун оёдлын машин гардуулан өгчээ.

УИХ-ын гишүүн Д.Батлут, аймгийн ИТХ-ын дарга Д.Пүрэвдорж, Мөрөн сумын засаг дарга Х.Тайванбаяр нар түрээслэгчидтэй уулзсан байна.

Хөвсгөл аймгийн “Шинэ Мөрөн” худалдаа, үйлчилгээний төвд энэ сарын 15-нд гал гарсан юм. Үүний улмаас олон иргэн хохирсон.

Худалдаа, үйлчилгээ эрхэлж байсан иргэдэд Засгийн газраас эргэлтийн хөрөнгийн зээлийн зориулалтаар 5.2 тэрбум төгрөг олгохоор болсон. Шинэ мөрөн худалдааны төв  нь орон нутгийн өмчит, улсын хөрөнгөөр баригдсан барилга байжээ.

Хөвсгөл аймгийн удирдлагууд шинэ худалдааны төвийг богино хугацаанд барьж, аравдугаар сарын 1 гэхэд ашиглалтад оруулахаар төлөвлөжээ.