Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
7
Монгол-Францын бизнес уулзалт өнөөдөр /2024.10.30/ Монгол Үндэсний Худалдаа Аж Үйлдвэрийн Танхимд /МҮХАҮТ/ боллоо.
“Монгол-Францын бизнесийн зөвлөл”-ийн ерөнхийлөгч, Орано Групп-ын ТУЗ-ын дарга Клод Имовэн Францын бизнес төлөөлөгчдийг ахлан энэхүү уулзалтад оролцов. Түүнээс ураны төсөл болон манай улс эдийн засгаа төрөлжүүлэхэд юун дээр анхаарах шаардлагатай талаар тодрууллаа.
Тэрбээр, Ураны төсөл нь хоёр улсын стратегийн хувьд маш чухал төсөл юм. Төслийг хэрэгжүүлэхэд уул уурхайн салбарын хуульд зарим нэг өөрчлөлтийг оруулах шаардлагатай. Энэ хүрээнд олон удаагийн хэлэлцээ хийх нь зүй ёсны хэрэг. Гэхдээ энэ төсөл маш амжилттай урагшилж байна гэж харж байна.
Өнөөдрийн бизнес уулзалтын хувьд Францын талаас оролцож буй салбар салбарын төлөөллүүдийг ахалж байна. Монгол Улс нь байгалийн нөөцөөр баялаг орон бөгөөд хөдөө аж ахуй болон газрын тосны салбарт ахиц дэвшил гаргах бүрэн боломжтой. Өнөөдрийн уулзалтын дараа талууд хамтран ажиллах шинэ боломжууд нээгдэнэ гэдэгт итгэлтэй байна гэв.
МҮХАҮТ-ын Гүйцэтгэх захирал Т.Дүүрэн, Монголоос Франц болон Европ руу экспорт гаргах, талуудын бизнесийн хамтын ажиллагааны илүү таатай орчин бүрдэнэ гэдэг хүлээлт компаниудад байх шиг байна. Тэр ч утгаараа өнөөдрийн уулзалтад өргөнөөр ирж оролцлоо.
Энэ жилээс МҮХАҮТ Европ дахь анхны салбар танхимаа байгуулах бэлтгэл ажилдаа орчихсон явж байна. Ингэснээр Францын болон Европын гишүүнчлэлийг татаж, Монгол-Европын бизнесийг илүү ойртуулах зорилготой байна.
Францын талаас өндөр зэрэглэлийн том компаниуд хүрэлцэн ирсэн. Монгол Улс тэдний анхаарлыг татаж буйгийн нэг илрэл бөгөөд бид энэ боломжийг алдаж болохгүй.
Одоогийн байдлаар хоёр улсын худалдаа тэнцвэргүй байна. Монгол Улсын хувьд 100 гаруй сая ам.долларын бүтээгдэхүүнийг импортолж, 20-25 сая ам.долларын бүтээгдэхүүнийг экспортолдог. Эдгээрийн дийлэнх нь зарим нэг ноолуур болон уул уурхайн бүтээгдэхүүн буюу сонголт бага байна.
Бидэнд экспортын санхүүжилт гэдэг ойлголт дутмаг байна. Экспортод гаргаж буй бүтээгдэхүүнд төгрөгөөр зээл өгөөд, буцаад валют орж ирэхэд улсдаа бүртгүүлээд явдаг тогтолцоо байхгүй. Эдийн засгаа солонгоруулах, дундаж өрхийн орлогыг нэмэгдүүлье гэвэл энэ хамгийн боломжтой гарц гэж танхим үзэж байна гэв.
Мөн өнөөдрийн уулзалтаар Францын төрийн өмчит хөрөнгө оруулалтын банк болох BPIFRANCE, Худалдаа хөгжлийн банк хооронд хамтын ажиллагааны санамж бичиг байгуулсан юм.
Монгол-Францын бизнес уулзалт өнөөдөр /2024.10.30/ Монгол Үндэсний Худалдаа Аж Үйлдвэрийн Танхимд /МҮХАҮТ/ боллоо.
“Монгол-Францын бизнесийн зөвлөл”-ийн ерөнхийлөгч, Орано Групп-ын ТУЗ-ын дарга Клод Имовэн Францын бизнес төлөөлөгчдийг ахлан энэхүү уулзалтад оролцов. Түүнээс ураны төсөл болон манай улс эдийн засгаа төрөлжүүлэхэд юун дээр анхаарах шаардлагатай талаар тодрууллаа.
Тэрбээр, Ураны төсөл нь хоёр улсын стратегийн хувьд маш чухал төсөл юм. Төслийг хэрэгжүүлэхэд уул уурхайн салбарын хуульд зарим нэг өөрчлөлтийг оруулах шаардлагатай. Энэ хүрээнд олон удаагийн хэлэлцээ хийх нь зүй ёсны хэрэг. Гэхдээ энэ төсөл маш амжилттай урагшилж байна гэж харж байна.
Өнөөдрийн бизнес уулзалтын хувьд Францын талаас оролцож буй салбар салбарын төлөөллүүдийг ахалж байна. Монгол Улс нь байгалийн нөөцөөр баялаг орон бөгөөд хөдөө аж ахуй болон газрын тосны салбарт ахиц дэвшил гаргах бүрэн боломжтой. Өнөөдрийн уулзалтын дараа талууд хамтран ажиллах шинэ боломжууд нээгдэнэ гэдэгт итгэлтэй байна гэв.
МҮХАҮТ-ын Гүйцэтгэх захирал Т.Дүүрэн, Монголоос Франц болон Европ руу экспорт гаргах, талуудын бизнесийн хамтын ажиллагааны илүү таатай орчин бүрдэнэ гэдэг хүлээлт компаниудад байх шиг байна. Тэр ч утгаараа өнөөдрийн уулзалтад өргөнөөр ирж оролцлоо.
Энэ жилээс МҮХАҮТ Европ дахь анхны салбар танхимаа байгуулах бэлтгэл ажилдаа орчихсон явж байна. Ингэснээр Францын болон Европын гишүүнчлэлийг татаж, Монгол-Европын бизнесийг илүү ойртуулах зорилготой байна.
Францын талаас өндөр зэрэглэлийн том компаниуд хүрэлцэн ирсэн. Монгол Улс тэдний анхаарлыг татаж буйгийн нэг илрэл бөгөөд бид энэ боломжийг алдаж болохгүй.
Одоогийн байдлаар хоёр улсын худалдаа тэнцвэргүй байна. Монгол Улсын хувьд 100 гаруй сая ам.долларын бүтээгдэхүүнийг импортолж, 20-25 сая ам.долларын бүтээгдэхүүнийг экспортолдог. Эдгээрийн дийлэнх нь зарим нэг ноолуур болон уул уурхайн бүтээгдэхүүн буюу сонголт бага байна.
Бидэнд экспортын санхүүжилт гэдэг ойлголт дутмаг байна. Экспортод гаргаж буй бүтээгдэхүүнд төгрөгөөр зээл өгөөд, буцаад валют орж ирэхэд улсдаа бүртгүүлээд явдаг тогтолцоо байхгүй. Эдийн засгаа солонгоруулах, дундаж өрхийн орлогыг нэмэгдүүлье гэвэл энэ хамгийн боломжтой гарц гэж танхим үзэж байна гэв.
Мөн өнөөдрийн уулзалтаар Францын төрийн өмчит хөрөнгө оруулалтын банк болох BPIFRANCE, Худалдаа хөгжлийн банк хооронд хамтын ажиллагааны санамж бичиг байгуулсан юм.