Пүрэв гарагт Исландын баруун өмнөд хэсэгт галт уул дэлбэрсэн нь өнгөрсөн оны арванхоёрдугаар сараас хойш зургаа дахь удаагаа дэлбэрч буй тохиолдол болсныг тус улсын Цаг уурын байгууллагаас мэдээлэв.

Тус улсын нийслэл Рейкьявик хотод хэд хэдэн удаагийн газар хөдлөлт болсны дараа галт уул дэлбэрсэн байна.

Өмнөх дэлбэрэлтээр лаавын урсгал Гриндавик хот руу урсан орж ирсний улмаас хэд хэдэн байшин шатаж, сүйдсэн.
Өнгөрсөн оны арваннэгдүгээр сараас хойш тус хотын 4000 гаруй оршин суугчийг нүүлгэн шилжүүлээд байгаа юм.

АНУ-ын Кентакки мужтай дүйхүйц хэмжээтэй Исландын нутаг дэвсгэрт 30 гаруй идэвхтэй галт уул байдаг. 800 жил "тайван" байсан Исландын галт уул 2021 оноос хойш ес дэх удаагаа дэлбэрч байна. 

Эх сурвалж: Reuters