Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
3
Улсын Их Хурлын Эдийн засгийн байнгын хорооны 2024 оны намрын ээлжит чуулганы эхний хуралдаан өчигдөр (2024.10.02) болсон. Гишүүдийн 56 хувийн ирцтэйгээр эхэлжээ.
УИХ-ын гишүүн М.Энхцэцэг “2025 оны хөгжлийн төлөвлөгөөнд 24 дулааны цахилгаан станц барихаас гурвыг улсын төсвийн хөрөнгөөр, бусдыг нь гадаадын зээл тусламжаар барихаар тусгажээ. Гадаадын зээл тусламжийг хүлээж цаг алдаж болохгүй, үүнд маш их цаг ордгийг бид мэднэ” гэв.
Тэрээр дараах саналуудыг дэвшүүлэв.
- Эрчим хүчний чадлын дутагдлаас богино хугацаанд гарахын тулд аль боломжтой бага чадлын эх үүсвэрүүдийг улсын төсвийн хөрөнгөөр санхүүжүүлэх шаардлагатай. Жишээлбэл Архангай, Өвөрхангай, Баянхонгор аймгуудад бага оврын сэргээгдэх эрчим хүчний эх үүсвэрүүдийг улсын төсвөөр барих,
- Хөрөнгө мөнгө шаардахгүй хэрэгжүүлэх боломжтой ажлуудыг хөгжлийн төлөвлөгөөнд оруулах. 2024-2028 оны Засгийн газрын хөтөлбөрт тусгагдсан 3.3.3.38-Цахилгаанаас үүдэлтэй гал түймэр гарах, цахилгаанд хүн цохиулахаас урьдчилан сэргийлэх тогтолцоог бий болгох шинэчлэл хийх,
- Засгийн газрын хөтөлбөрт багтсан 3.3.3.20 буюу эрчим хүчний тогтворжилтыг хангах, сэргээгдэх эрчим хүчийг зөв хөгжүүлэх нэгдсэн сүлжээний дүрэм, менежментийн тогтолцоог бий болгох ажлыг оруулах
УИХ-ын гишүүн, Эдийн засгийн байнгын хорооны дарга Р.Сэддорж, “Тавантолгой” дулааны цахилгаан станц зэрэг томоохон бүтээн байгуулалтууд хэзээ ашиглалтад орохыг лавлав.
Ажлын хэсгийн гишүүд, тендер шалгаруулалтаар санал ирүүлсэн компаниудын дунд маргаан үүсч, асуудлыг шүүхээр шийдвэрлүүлэхээр болсон. Шүүхийн шийдвэрийн дараа хөрөнгө оруулалт тодорхой болно хэмээн хариулсан бол Монгол Улсын Тэргүүн шадар сайд бөгөөд Эдийн засаг, хөгжлийн сайд Л.Гантөмөр, улс орны хөгжлийн бүтээн байгуулалтын төслүүдийг хэрэгжүүлэхэд саад тээг болж байгаа улс төржилтийг зогсооно.
Нэн ялангуяа “Тавантолгой” цахилгаан станцын тендер шалгаруулалттай холбоотой шүүхийн маргааныг нэн даруй цэгцэлж, бүтээн байгуулалтын ажлыг даруй эхлүүлнэ гэв. Ийнхүү тус байнгын хороо "Монгол Улсын хөгжлийн 2025 оны төлөвлөгөө батлах тухай" Улсын Их Хурлын тогтоолын төслийн нэг дэх хэлэлцүүлгийг хийж, Байнгын хорооны санал, дүгнэлтийг УИХ-ын чуулганы нэгдсэн хуралдаанд танилцуулахаар тогтов гэж УИХ-ын Хэвлэл мэдээллийн газраас мэдээллээ.
Улсын Их Хурлын Эдийн засгийн байнгын хорооны 2024 оны намрын ээлжит чуулганы эхний хуралдаан өчигдөр (2024.10.02) болсон. Гишүүдийн 56 хувийн ирцтэйгээр эхэлжээ.
УИХ-ын гишүүн М.Энхцэцэг “2025 оны хөгжлийн төлөвлөгөөнд 24 дулааны цахилгаан станц барихаас гурвыг улсын төсвийн хөрөнгөөр, бусдыг нь гадаадын зээл тусламжаар барихаар тусгажээ. Гадаадын зээл тусламжийг хүлээж цаг алдаж болохгүй, үүнд маш их цаг ордгийг бид мэднэ” гэв.
Тэрээр дараах саналуудыг дэвшүүлэв.
- Эрчим хүчний чадлын дутагдлаас богино хугацаанд гарахын тулд аль боломжтой бага чадлын эх үүсвэрүүдийг улсын төсвийн хөрөнгөөр санхүүжүүлэх шаардлагатай. Жишээлбэл Архангай, Өвөрхангай, Баянхонгор аймгуудад бага оврын сэргээгдэх эрчим хүчний эх үүсвэрүүдийг улсын төсвөөр барих,
- Хөрөнгө мөнгө шаардахгүй хэрэгжүүлэх боломжтой ажлуудыг хөгжлийн төлөвлөгөөнд оруулах. 2024-2028 оны Засгийн газрын хөтөлбөрт тусгагдсан 3.3.3.38-Цахилгаанаас үүдэлтэй гал түймэр гарах, цахилгаанд хүн цохиулахаас урьдчилан сэргийлэх тогтолцоог бий болгох шинэчлэл хийх,
- Засгийн газрын хөтөлбөрт багтсан 3.3.3.20 буюу эрчим хүчний тогтворжилтыг хангах, сэргээгдэх эрчим хүчийг зөв хөгжүүлэх нэгдсэн сүлжээний дүрэм, менежментийн тогтолцоог бий болгох ажлыг оруулах
УИХ-ын гишүүн, Эдийн засгийн байнгын хорооны дарга Р.Сэддорж, “Тавантолгой” дулааны цахилгаан станц зэрэг томоохон бүтээн байгуулалтууд хэзээ ашиглалтад орохыг лавлав.
Ажлын хэсгийн гишүүд, тендер шалгаруулалтаар санал ирүүлсэн компаниудын дунд маргаан үүсч, асуудлыг шүүхээр шийдвэрлүүлэхээр болсон. Шүүхийн шийдвэрийн дараа хөрөнгө оруулалт тодорхой болно хэмээн хариулсан бол Монгол Улсын Тэргүүн шадар сайд бөгөөд Эдийн засаг, хөгжлийн сайд Л.Гантөмөр, улс орны хөгжлийн бүтээн байгуулалтын төслүүдийг хэрэгжүүлэхэд саад тээг болж байгаа улс төржилтийг зогсооно.
Нэн ялангуяа “Тавантолгой” цахилгаан станцын тендер шалгаруулалттай холбоотой шүүхийн маргааныг нэн даруй цэгцэлж, бүтээн байгуулалтын ажлыг даруй эхлүүлнэ гэв. Ийнхүү тус байнгын хороо "Монгол Улсын хөгжлийн 2025 оны төлөвлөгөө батлах тухай" Улсын Их Хурлын тогтоолын төслийн нэг дэх хэлэлцүүлгийг хийж, Байнгын хорооны санал, дүгнэлтийг УИХ-ын чуулганы нэгдсэн хуралдаанд танилцуулахаар тогтов гэж УИХ-ын Хэвлэл мэдээллийн газраас мэдээллээ.