МҮОНРТ-ийн “Аз жаргалын эхлэл ” гэр бүлийн боловсрол олгох цуврал нэвтрүүлгийг GoGo TV булан Та бүхэндээ хүргэдэг болсон билээ.

Дугаар бүртээ мэргэжилтнүүдийг урин оролцуулж гэр бүлийн нарийн нандин сэдвүүдийг хөндөн ярилцдаг энэ нэвтрүүлэг богино хэмжээний ТВ зохиомжуудыг багтаасан байдаг нь үзэгчдэд ойлгомжтой, сонирхолтой болдог.

Ялангуяа залуу гэр бүлүүдэд нэн шаардлагатай зөвлөгөө, мэдээллийг агуулж чадсан энэхүү нэвтрүүлгийг үзсэнээр та гэр бүлдээ тулгараад буй асуудлуудыг шийдэх гарцыг ч олж мэдэх юм.

“Аз жаргалын эхлэл” нэвтрүүлэг энэ удаад дараах сэдвүүдийг хөндөж байна. Үүнд:

-Та хүүхэдтэй болоход бэлэн үү - Залуу эцэг эхчүүд бие физиологийн зүгээс болон эдийн засгийн хүрээнд ямар шаардлагыг хангаж байж хүүхэдтэй болох ёстой вэ та энэ талаар мэдэх үү. Хэрвээ мэдэхгүй бол хаанаас энэ талаарх зөвлөгөө, лавлагааг авах ёстой вэ гэх мэт асуултын хариултыг нэвтрүүлгээс үзээрэй.

-Гэр бүлийн менежмент - Сүүлийн үед бүхий л салбарт менежмент гэх зүйл хурцаар яригдах болжээ. Монгол хэлэнд өргөнөөр ашиглагдах болсон энэ үг гэр бүлийн хүрээнд ч хөндөгдөх болсон байна. Гэр бүл гэдэг нийгмийг бүрдүүлэгч нь боловсрол, эрүүл мэнд гэх мэт олон асуудлыг өөртөө багтааж байдаг. Тэгвэл гэр бүлийн менежмент гэж юу вэ гэдгийг “Аз жаргалын эхлэл” нэвтрүүлгийн энэ удаагийн дугаараас хүлээн авч үзэж болох нь ээ. Гэр бүлийнхээ асуудлуудыг хэрхэн зөв төлөвлөх, хэдийнээс энэ асуудалд анхаарал хандуулж эхлэх гээд олон чухал зүйлийг мэдэж аваарай.

-Гэр бүл ба хүүхэд – Хүүхэдгүй айл бол жимсгүй модтой адил хэмээн зүйрлэдэг. Хүүхэд бол гэр бүлийн хамгийн чухал үнэт зүйл, тогтоон барих үндэс нь болдог билээ. Хүүхэдтэй холбоотой асуудлуудад МУИС-ийн багш, доктор, профессор Ж.Даваа хэрхэн зөвлөснийг та хүлээн авч үзнэ үү.

Та ЭНД дарж “Аз жаргалын эхлэл” нэвтрүүлгийн дэлгэрэнгүйг үзээрэй.