Мартын 8-ны баярыг угтан эрчүүдэд хайртай ханьдаа Үндэсний портал GoGo.mn сайтаар дамжуулан хайрын үгээ илэрхийлэх боломжийг бид олгоод байгаа билээ.

Хайрын захианы уралдаанд маань цөөнгүй захидал ирээд байгаа бөгөөд дүнгээ гаргахад ердөө хоёрхон хоног үлджээ.

Мартын 8-ны өдөр манай сайт эмэгтэйчүүдтэй холбоотой мэдээллээр "амьсгалах" бөгөөд энэ өдөр ирсэн захидлуудыг нийтэлж, шилдэг захидлыг танилцуулах болно.

Ингээд ирсэн захидлаас жишээ болгож оруулья.

“Сайн байна уу?

Хайрт хань, хайртай хоёр хүүгийн минь ээж чамдаа энэ хорвоогийн хамгийн сайн сайхан бүхнийг хүсэн ерөөж чин сэтгэлийн талархал гүн хүндэтгэлээ илэрхийлье. Мөн удахгүй болох Мартын-8 баярын мэндийг хүргье.

Хайртай ханьдаа сэтгэлдээ тээж явдаг тэр их хайр, итгэл тэр бүхний талаар захидалдаа бичье. Юуны өмнө миний хань маш ухаалаг гэрийн эзэгтэй. Одоогоор гэртээ хүүхдээ хараад л сууж байна даа. Бид хоёр 2008 оноос л хойш өдийг хүртэл ариун нандин хайр сэтгэлийн холбоогоор холбогдож хоёр биедээ итгэл өгч, хоёр сайхан хүүхдийн аав ээж болцгоосон. Одоо бага нь сар хүрэх гэж байна.

Амьдралын хуудас нэг нэгээр эргэж, амьдралын мод нэг нэг навчаар ногоорч, бидний амьдралын түүх өдөр өдрөөр баяжсаар...”

Та бүхэн ханьдаа зориулан хайрын үгсээ захидал болгон хүргэе гэвэл news@mongolcontent.mn хаягаар мэйл бичээрэй.