Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
Жил бүрийн наймдугаар сарын 1-7-ны өдрийг Хүүхдийг эхийн сүүгээр хооллохыг дэмжих дэлхийн долоо хоног хэмээн тунхаглаж, энэ өдрийг 21 дэх жилдээ тэмдэглэн өнгөрүүлж байна. Ингэхдээ жил бүр өөр уриатай байдаг бөгөөд энэ жил “Эхчүүддээ ойртож хүүхдээ эхийн сүүгээр хооллохыг дэмжицгээе” уриан дор тэмдэглэн өнгөрүүлж буй ажээ.
Энэ талаар Дэлхийн Эрүүл мэндийн байгууллага, Нийгмийн Эрүүл мэндийн Үндэсний Төв, НҮБ-ын Хүүхдийн сан, Эрүүл мэндийн яам, “Дэлхийн зөн” олон улсын байгууллагаас өнөөдөр мэдээлэл хийлээ.
Нялхас бага насны хүүхдийн хоол тэжээлийн хамгийн чухал хэсэг нь хүүхдийг төрөнгүүт нь ангир уургийг амлуулах, төрсний дараах зургаан сард эхийн сүүгээр дагнан хооллох гэдгийг олон улсын хэмжээнд хэрэгжүүлж байна. Учир нь зургаан cap хүртэл эхийн сүүгээр дагнан хооллосон хүүхэд нь хооллоогүй хүүхдээс амьдрах чадвар нь 14 дахин илүү байдаг ажээ.
Хүүхдийг төрөнгүүт нь эхний нэг цагийн дотор ангир уургаар амлуулах нь нялхсын эндэгдлийг 45%-иар бууруулах боломжтой бөгөөд эхийн хувьд төрснөөс хойшхи зургаан сарын хугацаанд дахин жирэмслэх магадлал буурдаг, биеийн байдал эргэж хэвийн жиндээ ордог, төрсний дараах сэтгэл гутрал, өндгөвч ба хөхний хавдраас сэргийлдэг нь шинжлэх ухаанаар нотлогдсон байна.
НҮБ-ын Хүүхдийн Сангийн суурин төлөөлөгч Мохамед М.Малик Фолл:- Хүүхдийг зургаан сар хүртэл зөвхөн эхийн сүүгээр хооллож эрүүл саруул байлгах нь дан ганц эх эцгийн хийх зүйл биш бөгөөд энэ нь цаашлаад эмэгтэй ажилчидтай бүхий л ажил олгогч компани, албан байгууллагууд нярайлсан эхэд цалинтай чөлөөг олгох, хамт байх хугацааг нь хангалттай байлгаж тусалж дэмжих хэрэгтэй юм.
Мөн эхийн сүүнд байгаа шим тэжээлт бодисыг орлох ямар ч бүтээгдэхүүн байхгүй гэсэн юм.
Монгол улсад нярай хүүхдийг эхийн сүүгээр хооллохтой холбогдуулж хийсэн судалгаа (2010 оны Хүүхэд хөгжил судалгаа)
Монгол улсад шинэ төрсөн нярайг ангир уургаар эрт амлуулалтын үзүүлэлт 71%, хоёр нас хүртлээ үргэлжлүүлэн хөхүүлж буй үзүүлэлт 66%, зургаа хүртэлх сартай хүүхдийн эхийн сүүгээр дагнан хооллолтын үзүүлэлт 59% байна. Энэхүү үзүүлэлтүүд нь дэлхийн улсуудтай харьцуулахад харьцангуй гайгүй ч гэлээ цаашид өсгөх хэрэгтэй байна хэмээн албаныхан онцоллоо.
Б.Сондор
Жил бүрийн наймдугаар сарын 1-7-ны өдрийг Хүүхдийг эхийн сүүгээр хооллохыг дэмжих дэлхийн долоо хоног хэмээн тунхаглаж, энэ өдрийг 21 дэх жилдээ тэмдэглэн өнгөрүүлж байна. Ингэхдээ жил бүр өөр уриатай байдаг бөгөөд энэ жил “Эхчүүддээ ойртож хүүхдээ эхийн сүүгээр хооллохыг дэмжицгээе” уриан дор тэмдэглэн өнгөрүүлж буй ажээ.
Энэ талаар Дэлхийн Эрүүл мэндийн байгууллага, Нийгмийн Эрүүл мэндийн Үндэсний Төв, НҮБ-ын Хүүхдийн сан, Эрүүл мэндийн яам, “Дэлхийн зөн” олон улсын байгууллагаас өнөөдөр мэдээлэл хийлээ.
Нялхас бага насны хүүхдийн хоол тэжээлийн хамгийн чухал хэсэг нь хүүхдийг төрөнгүүт нь ангир уургийг амлуулах, төрсний дараах зургаан сард эхийн сүүгээр дагнан хооллох гэдгийг олон улсын хэмжээнд хэрэгжүүлж байна. Учир нь зургаан cap хүртэл эхийн сүүгээр дагнан хооллосон хүүхэд нь хооллоогүй хүүхдээс амьдрах чадвар нь 14 дахин илүү байдаг ажээ.
Хүүхдийг төрөнгүүт нь эхний нэг цагийн дотор ангир уургаар амлуулах нь нялхсын эндэгдлийг 45%-иар бууруулах боломжтой бөгөөд эхийн хувьд төрснөөс хойшхи зургаан сарын хугацаанд дахин жирэмслэх магадлал буурдаг, биеийн байдал эргэж хэвийн жиндээ ордог, төрсний дараах сэтгэл гутрал, өндгөвч ба хөхний хавдраас сэргийлдэг нь шинжлэх ухаанаар нотлогдсон байна.
НҮБ-ын Хүүхдийн Сангийн суурин төлөөлөгч Мохамед М.Малик Фолл:- Хүүхдийг зургаан сар хүртэл зөвхөн эхийн сүүгээр хооллож эрүүл саруул байлгах нь дан ганц эх эцгийн хийх зүйл биш бөгөөд энэ нь цаашлаад эмэгтэй ажилчидтай бүхий л ажил олгогч компани, албан байгууллагууд нярайлсан эхэд цалинтай чөлөөг олгох, хамт байх хугацааг нь хангалттай байлгаж тусалж дэмжих хэрэгтэй юм.
Мөн эхийн сүүнд байгаа шим тэжээлт бодисыг орлох ямар ч бүтээгдэхүүн байхгүй гэсэн юм.
Монгол улсад нярай хүүхдийг эхийн сүүгээр хооллохтой холбогдуулж хийсэн судалгаа (2010 оны Хүүхэд хөгжил судалгаа)
Монгол улсад шинэ төрсөн нярайг ангир уургаар эрт амлуулалтын үзүүлэлт 71%, хоёр нас хүртлээ үргэлжлүүлэн хөхүүлж буй үзүүлэлт 66%, зургаа хүртэлх сартай хүүхдийн эхийн сүүгээр дагнан хооллолтын үзүүлэлт 59% байна. Энэхүү үзүүлэлтүүд нь дэлхийн улсуудтай харьцуулахад харьцангуй гайгүй ч гэлээ цаашид өсгөх хэрэгтэй байна хэмээн албаныхан онцоллоо.
Б.Сондор