Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
Хүүхдүүд төдийгүй насанд хүрэгчдийн дурлан үздэг шидтэн Харри Поттерын адал явдлын найм дахь ном болох "Harry Potter and the Cursed Child" (Харри Поттер ба хараагдсан хүүхэд) өчигдрөөс эхлэн худалдаанд гарлаа.
Их Британийн 140 номын дэлгүүрт Харри Поттерын цувралын найм дахь номын худалдааны албан ёсны нээлт болсон юм. Тус номын хорхойтнууд дуртай номоо амжиж худалдан авахын тулд шөнөжин дараалалд зогсжээ. Худалдан авагчдын хөлд дарагдсан номын дэлгүүрүүд Харри Поттерын шилдэг хувцасны уралдаан зэрэг тусгай үдэшлэг зохион байгуулжээ.
Лондон, Эдинбург, Манчестер хотын номын дэлгүүрүүд Харри Поттерын шүтэн бишрэгчдийн хөлд хамгийн ихээр дарагджээ.
“Харри Поттер ба хараагдсан хүүхэд” ном худалдаанд гарсан даруйдаа хэдхэн цагийн дотор сая гаруй хувь борлогдсон байна. Шинэ бүтээл энэ оны хамгийн борлуулалттай ном болно гэж мэргэжилтнүүд таамаглаж байна.
Шинэ ном нь жүжгийн зохиолоос бүтэх бөгөөд үйл явдал нь өмнөх долоо дахь номын хэрэг явдлаас хойш 19 жилийн дараа өрнөдөг гэнэ. Шинэ түүхийн гол баатар нь Харри Поттерын бага хүү Альбус Северус. Түүнд гэр бүлээс нь өвлөгдсөн “хүнд ачааг” үүрэх хувь ногдсон байх аж.
Сонирхуулахад долдугаар сарын 31-нд буюу зохиолч Жоан Роулингийн 51 насны төрсөн өдрөөр шинэ бүтээл худалдаанд гарсан юм. Харри Поттер мөн энэ өдөр 36 нас хүрчээ.
Тус номыг Waterstones, Amazon зэрэг сайтуудаар захиалах боломжтой аж.
Хүүхдүүд төдийгүй насанд хүрэгчдийн дурлан үздэг шидтэн Харри Поттерын адал явдлын найм дахь ном болох "Harry Potter and the Cursed Child" (Харри Поттер ба хараагдсан хүүхэд) өчигдрөөс эхлэн худалдаанд гарлаа.
Их Британийн 140 номын дэлгүүрт Харри Поттерын цувралын найм дахь номын худалдааны албан ёсны нээлт болсон юм. Тус номын хорхойтнууд дуртай номоо амжиж худалдан авахын тулд шөнөжин дараалалд зогсжээ. Худалдан авагчдын хөлд дарагдсан номын дэлгүүрүүд Харри Поттерын шилдэг хувцасны уралдаан зэрэг тусгай үдэшлэг зохион байгуулжээ.
Лондон, Эдинбург, Манчестер хотын номын дэлгүүрүүд Харри Поттерын шүтэн бишрэгчдийн хөлд хамгийн ихээр дарагджээ.
“Харри Поттер ба хараагдсан хүүхэд” ном худалдаанд гарсан даруйдаа хэдхэн цагийн дотор сая гаруй хувь борлогдсон байна. Шинэ бүтээл энэ оны хамгийн борлуулалттай ном болно гэж мэргэжилтнүүд таамаглаж байна.
Шинэ ном нь жүжгийн зохиолоос бүтэх бөгөөд үйл явдал нь өмнөх долоо дахь номын хэрэг явдлаас хойш 19 жилийн дараа өрнөдөг гэнэ. Шинэ түүхийн гол баатар нь Харри Поттерын бага хүү Альбус Северус. Түүнд гэр бүлээс нь өвлөгдсөн “хүнд ачааг” үүрэх хувь ногдсон байх аж.
Сонирхуулахад долдугаар сарын 31-нд буюу зохиолч Жоан Роулингийн 51 насны төрсөн өдрөөр шинэ бүтээл худалдаанд гарсан юм. Харри Поттер мөн энэ өдөр 36 нас хүрчээ.
Тус номыг Waterstones, Amazon зэрэг сайтуудаар захиалах боломжтой аж.
