Холливудын жүжигчин, “Sex and the city” киногоороо дэлхий нийтийн танил болсон Сара Жессика Паркер энэ сарын 2-нд Францын “ELLE” сэтгүүлд ярилцлага өгчээ.

-Уран бүтээлчдийн нийгэмлэгийн ерөнхийлөгч Халстон Хери таныг залгамжлагчаа гэж зарласан. Та түүний саналыг хүлээн авахад бэлэн байна уу?
-Би гайхаж байна. Зарим зүйл нь үнэхээр ойлгомжгүй. Яагаад гэвэл би нийгэмлэгийг удирдах нь олон хүний хувь заяаг эргэлзээтэй болгоно гэж бодож байна. Энэ ажлыг олон жилийн хугацаанд хийсэн хү¬ний хувьд амархан байх. Миний хувьд маш хэцүү. Олон хүнийг удирдана гэдэг морь унахтай адилгүй шүү дээ. Маш их хариуцлагатай байх ёстой.

-Халстон тантай энэ асуудлаар ярилцахыг хүсч байгаа гэсэн?
-Би “Гуйж байна. Одоо цаг нь биш. Хэдийгээр би хүсч байгаа ч одоо тохиромжгүй үе” гэж хэлсэн. Тэр ойлгосон гэдэгт итгэлтэй байна. Би даргын ажлыг хэзээ ч хийж чадахгүй гэж хэлэхгүй. Гэхдээ энэ их хэцүү ажил байх. Даргын суудалд суучихаад дээгүүр хараад явах нь миний зан чанарт тохирохгүй болов уу.

-Тэгэхээр та багаасаа ийм задгай зантай байсан юм уу. Уг нь таныг Холбооны улсын эрх зүйчээр ажиллах байсан гэж сонссон?
-Задгай гэж хэлж болохгүй. Би хэнтэй ямар ч төрлийн яриа үүсгэдэг. Энэ маань танд задгай юм шиг санагдсан байх л даа. Сайхан бүсгүйчүүд зарим зүйлийг хийж чаддаггүй. Ер нь хийх ч шаардлагагүй.

-Таныг фотошочид морьтой хамт дүрсэлсэн байдаг. Та үүнийг үзэн яддаг уу?
-Надад тэгэх шаардлага байхгүй. Би моринд хайртай. Салхи татуулан давхих сайхан шүү дээ. Зарим жүжигчнийг үнэхээр муухай амьтантай адилтгадаг. Тэдэнд энэ нь хэцүү санагддаг байх.

Дунд сургуульд хэн нэгнийг “илжиг” хэмээн нэрлэдэг байсныг та мэднэ шүү дээ. Энэ бол тухайн хүнд там шиг санагддаг байсан болов уу.

-Дунд сургуульд байхад чинь юу гэж нэрлэдэг байсан юм бэ. Арай “илжиг” биш биз?
-Намайг “морь” гэдэг байсан. Энэ нь ч өнөөг хүртэл хэвээр. Би хэзээ ч үүнд гомдож байгаагүй. Сайн нэртэй хүнийг муулахад хэцүү байдаг.

-Хэрэв таныг “Шрек” хүүхэлдэйн киноны илжигтэй зүйрлэвэл та дургүйцэх үү?
-Үүний оронд “морь” гэсэн нь хамаагүй дээр байх.

-“Бродвейн” театрт дөрвөн жил ажиллахдаа нэг бус удаа илжигний дүрийг бүтээж байсан таны нөхөр Мэтю ярьсан?
-Эмгэнэлт жүжиг байсан. Залуу жүжигчинд дүр олдоно гэдэг ховор завшаан. Үүнийг ашиглаагүй нь гудамжинд, эсвэл зоогийн газар үйлчлэгч хийдэг. Тэгэхээр би хэзээ ч дүрээ голж байгаагүй. Голно гэдэг чадваргүй жүжигний зан. Эмгэнэлт жүжгийн илжигний давуу тал бол сайн санаат юм. Тэр бусдад өөрийгөө илэрхийлэхдээ муу ч, хийж байгаа үйлдэл нь олны талархлыг хүлээдэг. Тэр бол “Шрек”-ийн илжиг биш.

-Таныг олон шалгуур давж жүжигчин болсон гэж кино шүүмжлэгчид ярьдаг. Та ямар замналаар жүжигчин болсон бэ?
-Би эрх зүйчээр сурч байгаад театрын продюссер мэргэжлийг сонгосон. Дараа нь Миссиори мужийн хэд хэдэн театрт ажилласан ч амжилт олоогүй. Би бараг л хог дээр гарах дөхсөн. Эцэг эхээсээ зөвлөгөө авч, эрх зүйчээр ажилладаг юм билүү гэж бодож байсан.

Гэхдээ энэ бол миний дуртай мэргэжил биш болохыг ойлгосон. 1977 онд “Бродвей” театрт продюссерээр биш жүжигчнээр ажилд орсон. Энэ сонголт тийм ч амар байгаагүй. Хоёр жилийн хугацаанд 30 гаруй удаа шалгалт өгч байж тэнцсэн. Тэгээд бүх зүйл төсөөлснөөр өрнөөгүй. Зарим дүрийг бүтээж чадахгүй, үзэгчдийн суудлаас хардаг байлаа. Тэгж байж “Зургадугаар сар”, “Намрын салхи” жүжигт тоглосон.  Эдгээрт амжилттай тоглоогүй бол кино ертөнцөд хол тавихгүй байсан. Ингээд л “Си Би Эс”-ийн теле жүжигт тоглож эхэлсэн.

-Та өөрийгөө хэрхэн амжилтад хүрсэн гэж боддог вэ. Зарим нь их мөнгөөр амжилтыг худалдаж авч болно гэж үздэг шүү дээ. Та үүнтэй санал нийлэх үү?
-“Бродвей”-д ажиллаж байхдаа халаасандаа өдөр бүр 30 ам.доллартай явдаг байсан. Миний амжилт ажилдаа дуртай байхаас шалтгаалсан гэж боддог. Ажилдаа дуртай хүн хэзээ нэгэн цагт амжилт гаргадаг. Өчүүхэн ч гэсэн амжилт хүний амьдралыг өөрчилдөг юм. Харин мөнгөөр амжилтыг худалдан авч болдог бол дэлхийн хөгжил гайхалтай байх байлаа. Даанч биелэх магадлал нь нэг хувь. Мөнгөөр зөвхөн эд зүйлс худалдан авдаг шүү дээ.

-Танд “Sex and the city” кино олон амжилтыг авчирсан. Энэ кино таны зан чанарыг бүрэн илэрхийлсэн үү?
-Тийм ээ. Энэ бол гайхалтай бүтээл болсон. Нью-Йоркийн ганц бие баян бүсгүйчүүдийн амьдралыг тод харуулсан. Тэд дэлгүүрээр хэсэж, орой нь романтик болзоонд уригдаж, олигтойхон “загас” (эрэгтэй хүн) олоогүй нь цэнгээний газар орж, дэмий л шүлсээ гоожуулна. Энэ бол ганц  бие баян америк бүсгүйчүүдийн амьдралын хэмнэл.

-Дэлгэцийн ард ийм амьдрал өрнөх нь тийм ч их биш байх аа?
-Би тантай санал нийлэхгүй байна. “Sex and the city” кинонд гардаг бүхэн ганц бие, мөнгөтэй америк эмэгтэйчүүдийн заримынх нь амьдралын хэмнэлийг харуулсан. Яагаад гэвэл нийгэмд ийм амьдралын хэв маяг нууцлагдмал байдаг. Тэдний юу хийж, хэнтэй уулздаг нь олны сонирхлыг ихэд татдаг юм.

-Энэ кинонд тоглосны дараа таны нөхөр Мэтюд хэцүү байсан байх даа. Яагаад гэвэл эхнэр нь америк эрчүүдийн анхаарлын төвд орсон?
-Мэтэд хэцүү байгаагүй. Яагаад гэвэл тэр намайг хайрладаг гайхалтай эр хүн. Түүнийг гомдоох үйлдэл хэ¬зээ ч гаргахгүй. “Sex and the city” кино дунд эргэм насны хүмүүсийн романтик харилцааг тод харуулсан. Продюссер Майкл Кинг анх уг киног хийж эхлэхэд “35-аас дээш насныхны амьдрал улам нууцлагдмал болох боллоо. Ямар л кино бүтээгдэнэ коллежийн оюутны амьдралыг харуулах болсон” гэж байсан. Энэ нь бодоод байхад зөв асуудал санагдсан.

-Та энэ киноны эрэгтэй хамтрагчидтайгаа учир ургуулах бодол байсан уу. Тэдгээр залуус таныг шохоорхдог байв уу?
-Үгүй дээ. Хэрэв тийм бол тэнэг үйлдэл болно биз дээ. Гэхдээ Жон Персон гайхалтай залуу. Түүнийг ингэж хэлэхгүй байхын аргагүй. Эрэгтэй хүмүүс болсон хойно надад сэтгэлээ илэрхийлж байсан. Тэдний нэрийг хэлэх хэрэггүй байх. Яагаад гэвэл маш том асуудалд орно.

-Энэ кинонд тоглосон эрчүүд царайлаг, тачаангуй байсан шүү дээ?
-Энэ нь надад хамаагүй. Би айлын эзэгтэй, хүүгийнхээ сайн ээж. Америкчуудын сонирхлыг секс, романтик харилцаагаар төсөөлөхийн аргагүй ч, хэн юу хийх нь хүний эрхийн асуудал.

-Тэгэхээр та гэр бүлээсээ гадуурх харилцаанд орохтой санал нийлдэг хэрэг үү?
-Хэрэв баригдахгүй тохиолдолд нөхрөө араар нь тавьж болно. Гэхдээ энэ хөнгөмсөг эмэгтэйчүүдийн ажил.

-Өнгөрсөн оны тавдугаар сард “Sex and the city” киноны хоёрдугаар цувралыг хийж эхэлсэн. Энэ удаад үзэгчдэд ямар гэнэтийн бэлэг барих гэж байна?
-Үзэгчид киног үзэж байхдаа гэнэтийн бэлэгнүүдийг харна. Гэхдээ гэнэтийн бэлэг байх үгүй нь үзэгчдийн өөрсдөөс нь шалтгаална.

-Энэ кинонд та бас л эрчүүдтэй романтик харилцаа хэрхэн үүсгэж байгаагаа харуулах уу?
-Тийм. Мэдээж ийм зүйл байхгүй бол киноны утга учир алдагдана. Мөн Миранда, Чарлотте, Саманта нар хөгшрөөгүйгээ харуулна. Тэд чадварлаг байж эрчүүдийг уургалах болно.

-Ингэхэд таныг хөгширч байгаа талаар ярих боллоо. Сайхан бүсгүй эмээ болж байна гээд л?
-Цаг хугацаатай санал нийлнэ. Харин бүхнийг амжуулах хэрэгтэй. Гэхдээ ойрын арван жилд Америкийн сайхан бүсгүй хэвээр байна гэдэгт итгэлтэй байна. Яагаад гэвэл би хотын секс шүтээн шүү дээ. Иймээс нэрээ байнга өндөрт авч явах ёстой. Ингэлээ гээд арьсаа татуулж, хөхөө томруулна гэсэн үг биш.

-“Sex and the city” кинонд тоглосны дараа таны нүцгэн зураг хэдий хэр үнэтэй борлогдсон юм бэ?
-85 мянга ам.доллараар Катарын нэгэн баян эр худалдан авсан. Тэр зургийг бусад хүн харах боломж байгаагүй.

-Та ямар зорилгоор нүцгэн зургаа авахуулж, худалдсан юм бэ?
-Миний нүцгэн зураг хэдий хэр үнэ хүрэх бол гэж бодсон. Тэр зураг ганцхан хувь шүү дээ.

Д.Түвшинтөр http://niigmiintoli.mn/