Английн лигийн цом буюу “Карабао цом”-ын шөвгийн найман багийн тоглолтууд ажлын өдрүүдээр явагдаж Манчестер Сити, Манчсестер Юнайтед, Тоттенхэм, Брентфорд багууд хагас шигшээд шалгарлаа.

Манчестер сити даруухан формтой байгаа Арсеналыг талбайд 1:4-өөр хожиж хагас шигшээгийн эрх авсан. Харин тэдний хөрш Манчестер Юнайтед Эвэртон клубийн талбайд зочлон 0:2-оор ялалт байгуулсан юм.

Шөвгийн дөрвийн сугалаа явахад Манчестер хотын багууд хоорондоо таарав. Улмаар хөл бөмбөг сонирхогчид 184 дэх удаагийн Манчестер хотын Дербийг үзэх боломжтой боллоо.

Харин хагас шигшээгийн нөгөө тоглолтыг Премьер лигт зургаа дугаар байрт яваа Тоттенхэм, Чанпионшип лигт дөрөвдүгээр байрт яваа Брентфорд клубүүд хийнэ. Брентфорд шөвгийн наймд премьер лигийн Ньюкасл клубийг буулган авч энэ шатанд хүрсэн учраас Тоттенхэмд амархан ялагдахыг хүсэхгүй нь гарцаагүй билээ.