Засгийн газрын хуралдаан "Т.Чимгээг эрүүдэн шүүсэн эсэхтэй холбоотой бичлэг, нотлох баримтыг нууцаас гаргах тухай" асуудлыг хэлэлцсэн ба хуралдааны шийдвэрийн талаар Хууль зүйн сайд Х.Нямбаатар ХЗДХЯ-ны байранд мэдээлэл хийж байна. 

Монгол Улсын шүүх Б.Хурц нарын хүмүүст "дийлдэж" яргын хэрэг шийдэгдэхгүй өнөөдрийг хүрч байна.

1998 оны аравдугаар сарын 2-ны өдөр С.Зоригийн амь насыг хөнөөсөн байж болзошгүй Т.Чимэгээ нартай холбоотой шүүх хурал 6 удаа болж, Дээд шүүхээс иргэн Т.Чимгээд 25 жилийн хорих ял оноосон юм.  Ерөнхий сайд Л.Оюун-Эрдэнэ, Хууль зүйн сайд Х.Нямбаатар нар түүнтэй гуравдугаар сарын 8-н буюу Олон улсын эмэгтэйчүүдийн эрхийг хамгаалах өдөр уулзсан билээ. 

Эрүүдэн шүүж байгаа бичлэгийг олон нийтэд үзүүлэхийг Т.Чимэгээ зөвшөөрсөн учир, Засгийн газрын гишүүдийн олонхийн саналаар  бичлэг, нотлох баримтыг нууцаас гаргаж нийтэд  үзүүлж болох хэсгээс хүргэхээр болжээ.  

- Хууль зүйн сайд Х.Нямбаатар:
Эрүүдэн шүүсэн хэрэгтэй холбоотой Б.Хурц нарын 9 хүнд холбогдох хэрэгт мөрдөн шалгах үйл ажиллагаа явуулж Төв аймгийн шүүхэд шилжүүлсэн. Хэргийг прокурорт буцааснаас хойш ямар процесс өрнөснийг та бүхэн мэдэж байгаа. Монгол Улсын анхан шатны болон давж заалдах шүүхээр 6 удаа орсон ч өдийг хүртэл шийдэгдээгүй байна. Өнөөдөр олон түмний нүдэн дээр эрүүдэн шүүлт үйлдэгдсэн нь тодорхой байхад Б.Хурц нарын хүмүүст "дийлдэж" яргын хэрэг шийдэгдэхгүй өнөөдрийг хүрч байна. Эрүүдэн шүүсэн гэмт хэрэг нэгэнт үйлдэгдсэн гэдгийг ард түмэн харсаар байна. Тиймээс Засгийн газрын тэргүүн иргэн Т.Чимэгээтэй биечлэн уулзсан.

Хүнийг мансууруулж байгаад хурууны хээг авч, нүцгэлэхийг зөвшөөрдөг гүйцэтгэх ажил дэлхийн хаана ч байхгүй. 

Дараах 4 үндэслэлээр шүүхийн шийдвэрийг хүчингүйд тооцож дахин хэрэг хянан шийдвэрлэх ажиллагаа явуулна. Үүний хоёрдугаарт, шүүгч, прокурор, мөрдөгч эрх бүхий албан тушаалтан эрх мэдлээ урвуулан ашигласан нь хуулийн хүчин төгөлдөр болсон шүүхийн шийдвэрээр тогтоогдсон бол гэж заасан. Энд хүний эрх зөрчигдсөн, хилс хэргээр шүүгдэж 20 жилийн ял авсан нь эрүүдэн шүүлтээр тогтоогдсон. Цаашид бид эрүүдэн шүүлтийг дахин гаргахгүй байх холбогдох хууль тогтоомжийг өөрчлөх шаардлагатай байгаа нь харагдаж байна. Зарим хэвлэлээр Засгийн газрыг энэ хэргээр улс төрийн шоу хийж байна хэмээж байна.

Маш тодорхой хэргийг шүүх бие бие рүүгээ шидээд, өөр дээрээ 30 хоног байлгаж байгаад буцаасаар байна.

Өнөөдөр Т.Чимэгээгээс надад хоёр утга бүхий өргөдөл ирсэн. Нэг нь "Тэрэлж" зочид буудалд миний эрхэнд бүдүүлгээр халдсан бичлэгийг нүүрийг минь бүдгэрүүлж хэсэгчилж олон нийтэд цацах, хоёр дахь нь намайг хоригдож байх хугацаанд амь насаа алдсан охины минь хэргийг дахин шалгаж өгнө үү гэсэн өргөдөл өгсөн. Засгийн газрын өнөөдрийн хурлаар зөвшөөрсний үндсэн дээр өнөөдөр олон нийтэд үзүүлэх гэж байна. Энэхүү бичлэг ямар зорилгоор хийгдсэн гэдгийг би мэдэхгүй байна. Би бичлэгийг та бүхэнтэй өнөөдөр анх удаа үзэх гэж байна. Нэг хүн эмэгтэй хүнийг нүцгэлээд эргүүлж тойруулан, хурууны хээг авч байгаа, нэг нь камераар бичиж байгаа дүрс бий.  Хүнийг мансууруулж байгаад хурууны хээг авч, нүцгэлэхийг зөвшөөрдөг гүйцэтгэх ажил дэлхийн хаана ч байхгүй. 

Маш тодорхой хэргийг шүүх бие бие рүүгээ шидээд, өөр дээрээ 30 хоног байлгаж байгаад буцааж байна. Гэтэл энэ хугацаанд эрүүдэн шүүгдсэн хүмүүс тэнд тарчилсаар байна.  Зүйлчлэлийг зөвтгөх эсвэл буруутгах эрх надад ч байхгүй. 2013 оноос хойш цагдан хорихыг хориглосон байранд камер байрлуулж тэднийг байлгасан. Т.Чимэгээ "Би 5 жил 7 сар хийгээгүй хэргийнхээ төлөө сууж байна. Ариун цэврийн хэрэглэл ч өгөлгүй байлгаж эрүүдэн шүүж байсан" хэмээсэн. Би мөн Б.Содномдаржаатай уулзахаар төлөвлөж байна.

Хууль зүйн сайд Х.Нямбаатар мэдээлэл хийснийхээ дараа хэсэгчилж монтажилсан 2 минут 52 секундын бичлэгийг олон нийтэд үзүүллээ. Бичлэгт гурван эрэгтэй (нэг нь цээж нүцгэн) орон дээр хэвтсэн нэг эмэгтэйн зургийг олон талаас авч байгаа дүр зураг харагдах аж. Бичлэгт харагдаж байгаа эмэгтэй иргэн Т.Чимэгээ гэх нотолгоо бүхий зүйл байхгүй байсан ба царай нь харагдахгүй байгаа юм. Хууль зүйн сайд Х.Нямбаатарын хэлж буйгаар түүний энэхүү зургийг нөхөр рүү нь явуулж байсан гэв.

Т.Чимэгээд утас, дугаар авч өгөөд байнга мессеж бичиж, дотно болж "Би тусална, зөвлөгөө өгье" хэмээн итгэлийг нь олж "Тэрэлж" зочид буудалд аваачихад дээрх үйл явдал болсон гэсэн мэдээлэл байна. Үүнээс өөр мэдээлэл надад алга.

Х.Нямбаатар "Т.Чимэгээ тухайн үед 50 орчим грамм архи ууснаа санадаг, түүнээс цааш ухаан нь балартсан гэж хэлсэн. Ял эдэлж байсан Амгаланбаатар нь хамт хоригдож байсан нэг ялтныг энэ хэргийг хамт хүлээе хэмээн ятгасан байдаг юм билээ. Тухайн хүнийг зөвшөөрөөгүйнх нь төлөө түүнийг гянданд 8 сар дэглэм дээшлүүлж хорьсон, тэр хүн одоо ч бий. Тиймээс бүтэлгүйтсэн Амгаланбаатар мэдүүлэгтээ "Би С.Зориг агсныг бусадтай хамтарч хөнөөсөн" гээд түүнд нь Т.Чимэгээ, Б.Содномдаржаа нарыг дурдсан.

Гүйцэтгэх ажиллагаа явуулж байсан хүмүүс Т.Чимэгээд утас, дугаар авч өгөөд байнга мессеж бичиж, дотно болж өөр ялтнууд дарамталдаг талаарх мэдээллийг нь аваад, "Би тусална, зөвлөгөө өгье" хэмээн итгэлийг нь олж Тэрэлж зочид буудалд аваачихад дээрх үйл явдал болсон гэсэн мэдээлэл байна. Үүнээс өөр мэдээлэл надад алга. Энэ бол Монгол Улсын хууль хяналтын байгууллага, Эрүүгийн тухай хууль, Гүйцэтгэх ажлын тухай хуулийг маш бүдүүлгээр зөрчиж, тэр дундаа хүний эрхийн мэдрэмжтэй байх ёстой энэ цаг үед хүний эрхийг ноцтой зөрчиж, тэднийг эрүүдэн шүүсэн" гэлээ.