Яг одоо “G-Time”-ийн гишүүд үүсээд буй нөхцөл байдлын талаар мэдээлэл хийж байна. Тэдний хэлж байгаагаа 12 мянга гаруй гишүүд хохироод байна. 2016 онд албан ёсны гэрчилгээ авч, татвараа төлж явсан компанийг төр хүчээр зогсоосноос болж олон иргэд хохироод байгаа талаар мэдээлж байна.

Монгол Улсад үйл ажиллагаа эрхлэх албан ёсны зөвшөөрөлтэй ажиллаж байсан G-Time корпорациас бараа худалдаж авахаар мөнгөө шилжүүлсэн олон хүн эдийн засаг, санхүүгийн хараад байдалд орж, сэтгэл санааны дарамтад орсон гэдгийг тэд хэлж байна.

G-Time-д иргэд 30-192 сая төгрөгийн хөрөнгө оруулалт хийсэн байна

Хөрөнгө оруулагч Ж.Марат тэргүүтэй хүмүүсийг хууль хяналтын байгууллагаас шалгаж эхлээд сар гаруй хугацаа өнгөрч байгаа ч энэ бизнест хөрөнгө оруулаад хохирсон иргэдийн нэг нь ч хохирлоо барагдуулаагүй байна гэв.

Шууд худалдааны бизнесийг эрхлэхээр ах дүүгээсээ зээл авч, өнөөдөр эхнэр нөхөр салах дээрээ, ах дүү нар тангараг тасраад байна гэсэн мэдээллийг тэд өгч байна. G-Time-д иргэд 30-192 сая төгрөгийн хөрөнгө оруулалт хийсэн байна.

Тухайн үед эдийн засгийн нөхцөл байдал хүнд байсан учир иргэн бүр энэ бизнест хөл тавьж, гишүүдийн тоо арван мянгад хүрсэн гэв. Албан ёсны бүртгэлтэй дээр нь нэг сарын хугацаанд Налайх дүүргийн жилд өгдөг татвар буюу 1.3 тэрбум төгрөгийн татварыг төлсөн ийм компанийн үйл ажиллагааг зогсоосон нь санаатай үйлдэл гэдгийг тэд хэлж байна.

Өнгөрсөн хугацаанд мянга гаруй хүн 20 сая төгрөгийг авсан. Энэ хэрээр олон айлын амьжиргаа дээшилсэн гэдгийг тэд хэлж байна.

135 мянгаас хоёр сая төгрөгийн сонголтыг хийж уг худалдааны сүлжээнд элсдэг аж. Дээр нь манай улсын эдийн засгийн нөхцөл байдал хүнд байгаагаас олон иргэдийн хүсэлтээр G-Time сүлжээ орж ирсэн гэдгийг гишүүд нь хэлж байв.

Нэг сарын хугацаанд Налайх дүүргийн жилд өгдөг татвар буюу 1.3 тэрбум төгрөгийн татварыг төлсөн

“Маш олон баталгаа, нотолгоог үндэслэж би энэ компанид гишүүнээр элссэн. Би өөрийнхөө амьдралыг төдийгүй улс эх орондоо хөрөнгө оруулалт хийх боломж нь нээгдсэн. Үйл ажиллагага зогсоосноос болж өнөөдөр маш олон хүн хохирлоо. Хүмүүс гишүүнээр элсэхийн тулд маш өндөр хүүтэй зээл авч, байгаа хөрөнгөө барьцаалсан” хэмээн нэгэн гишүүн үзэл бодлоо илэрхийлэв.

Хууль хяналтын байгууллага асуудлыг шалгаж дуусахыг хүлээхэд хүнд, байдал хурцадмал болсон тул хохирогчид нэгдэж, өөрсдийнхөө эрх ашгийг хамгаалах, санхүүгийн хүнд байдлаас гарахын төлөө тэмцэхээ илэрхийлж байна. Төр засгаас албан хүчээр зогсоосны улмаас иргэд маш хүнд байдалд ороод байгаа учир төр өөрсдийн зөвшөөрөл өгсөн компанийн үйл ажиллагааг яаралтай сэргээхийг тэд хүссэн юм.