Шүлснээс КОВИД-19-ийг илрүүлэх дотооддоо үйлдвэрлэсэн оношлуурыг хэрэглээнд нэвтрүүлж эхэллээ.

АШУҮИС-ийн захирал Н.Хүрэлбаатар:

Манай хамт олон КОВИД-19-ийн чиглэлээр 6 судалгаа хийж байна. Эмнэлзүйн молекул оношлогооны чиглэлд анхаарч ажилласан ба 288 сая төгрөгийн санхүүжилтээр лаборатори байгуулсан. Лабораторийн үйл ажиллагаа өнөөдөр эхэлнэ. Энэ нь био аюулгүй байдлын хоёрдугаар зэргийн лаборатори ба вирусийн гаралтай бүхий л өвчнийг молекулын түвшинд оношлох анхны лаборатори юм.

БШУЯ-наас 47 сая төгрөгийн санхүүжилт гаргаж шүлснээс коронавирус тодорхойлох оношлуурыг нэвтрүүллээ. Үүнийг үйлдвэрлэлд нэвтрүүлэхэд УОК-оос 109 сая төгрөгийн санхүүжилт өгсөн. 

Өчигдөр ЭМЯ-наас зөвшөөрөл өгсөн ба таван удаагийн шалгуурыг дамжин гарсны эцэст өнөөдөр үйл ажиллагаа эхэлж байна.

БШУ-ны сайд Л.Энх-Амгалан:

Бид КОВИД-19 халдвартай иргэдийг түргэн хугацаанд эмчилж чадсан улсуудын нэг. Олон хүмүүсийн сэтгэл зүтгэлээр бид 300 мянган хүнийг вакцинжуулсан нь Азидаа Сингапурын араас хоёрт эрэмбэлэгдэж байна.

Сүүлийн гурван жилд эрдэмтэд 5000 мянган судалгаа хийснээс 500 нь патент авсан. Харин үүнээс хэрэглээнд нэвтэрсэн нь гарын таван хуруунд багтаж байна. 

Хамраа ухуулахаас айдаг болсон энэ цаг үед шүлснээс илрүүлдэг оношлуур гаргасан нь ололт юм. Өртөг нь гадаадаас авч буй оношлуураас 2-3 дахин хямд.