Азийн хөгжлийн банк Монгол Улсад тогтвортой аялал, жуулчлалыг хөгжүүлэх чиглэлд 32 сая ам.долларын зээл, буцалтгүй тусламж олгохоор боллоо.

Төслийн хүрээнд дотоодын аялал, жуулчлалын төлөвлөлтийг сайжруулах, орон нутагт бий болох үр өгөөжийг тогтвортой болгох ажил хийнэ. Мөн шаардлагатай дэд бүтцийг байгуулах, Дархан цаазат газарт дэмжлэг үзүүлэх зэрэгт хөрөнгө зарцуулах юм байна.

Монгол Улсад аялал, жуулчлалын салбарт шинэ бүтээгдэхүүн бий болгох талд анхаарах шаардлагатайг салбарын мэргэжилтнүүд анхааруулж байгаа юм.