АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээлттэй тавьжээ. Батлан хамгаалахын сайд Гүрсэдийн Сайханбаяр УИХ-ын сонгуулийн 1-р тойрогт нэр дэвшсэн бөгөөд энэ түүний нэр дэвшсэн анхны сонгууль юм. Түүний жилийн орлого 79 сая, гэр бүлийн орлого 214 сая төгрөг.

Хөрөнгө орлогын мэдүүлгээс:

• Нийтийн орон сууц- 1
• Зуслангийн байшин- 1
• Авто зогсоол- 1 /үл хөдлөх хөрөнгийн нийт үнэлгээ 660 сая төгрөг/
• Тээврийн хэрэгсэл- Жийп болон туулах чадвар өндөр Lexus, 570- 1,Жийп болон туулах чадвар өндөр Lexus, RX 350- 1 /155 сая төгрөг/
• Мал аж ахуй- Үхэр 4, адуу 24 /үнэлгээ 33 сая төгрөг/
• Газар- Эзэмших-3500м2-1, Эзэмших-700м2-1 /үнэлгээ 35 сая төгрөг/
• Үнэт эдлэл- 45 сая төгрөг
• Хадгаламж, харилцах дансны үлдэгдэл- 113 сая төгрөг
• Зээлийн үлдэгдэл- 100 сая төгрөг
• Компани нөхөрлөл хоршоонд оруулсан хөрөнгө оруулалт- Шируки мичи ХХК /50хувь/, Ард санхүүгийн нэгдэл ХК/100 хувь/, Эрдэнэс Тавантолгой, Бусад

Г.САЙХАНБАЯРЫН НАМТАР

Боловсрол: 

• 1975-1985 онд нийслэлийн 10 жилийн 53 дугаар дунд сургууль
• 1985-1989 онд Цэргийн нэгдсэн дээд сургуулийн улс төрийн анги
• 1994-1995 онд Засгийн газрын дэргэдэх Төрийн захиргааны удирдлагын хөгжлийн институтын төрийн удирдлагын анги
• 2000-2001 онд БНХАУ-ын Үндэсний батлан хамгаалахын их сургуулийн дээд дамжаа
• 2012-2014 онд ОХУ-ын ЗХЖШ-ын академид тус тус суралцан төгссөн. Улс төрч, төрийн захиргааны удирдлагын арга зүйч, зохион байгуулагч, төрийн удирдлагын менежер, стратеги-тактик, команд штабын мэргэжилтэй. Төрийн удирдлага, цэргийн ухааны магистр зэрэгтэй.

Ажилласан байдал:

• 1989-1990 онд Зэвсэгт хүчний 121 дүгээр ангид сургуулийн салбарын улс төрийн орлогч
• 1990-1994 онд Зэвсэгт хүчний 318 дугаар ангид ротын улс төрийн орлогч, соёл хүмүүжлийн ажлын зааварлагч, суртал нэвтрүүлэгч
• 1994-1997 онд Зэвсэгт хүчний Ерөнхий штабын сургалт, соёл хүмүүжлийн газарт офицер
• 1997-2000 онд Зэвсэгт хүчний ерөнхий штабын мэдээлэл, соёл сурталчилгаа, хүмүүжлийн ажлын хэлтсийн дарга
• 2000-2005 онд БХЯ-ны Төрийн захиргааны удирдлагын газрын орлогч, Төрийн захиргаа, хүний нөөцийн удирдлагын хэлтсийн дарга
• 2005-2012 онд Төрийн захиргааны удирдлагын газрын дарга
• 2014-2020 оны 7 дугаар сар хүртэл БХЯ-ны Стратегийн бодлого, төлөвлөлтийн газрын дарга
• Монгол Улсын Ерөнхий сайдын 2020 оны 7 дугаар сарын 8-ны өдрийн 4 дүгээр захирамжаар Монгол Улсын Засгийн газрын гишүүн-Батлан хамгаалахын сайдаар томилогдон ажиллаж байна. “Бригадын генерал” цолтой, эрхэлсэн түшмэлийн гутгаар зэрэгтэй.